الشمس تبكي وبكى ضحاها
الرادود : نزار القطري
استماع :  L1 

مساهمة من Mahdi Taqi

 

َالْشَمْسُ تَبْكي وَبَكَى ضُحَاهَا

إذا السمَاءُ انْفَطَرَتْ          إذا الْنُجُوْمُ انْكَدَرَتْ

****

من كثر هَمي الْجفن من عندي اتكور                بعالَم احزانِي أهيم ولني أتصور
بكربله وحومتها حانت ساعة الْمحشر               لن أشوف الكون حاله تبدل اتغير
من وگـع عباس وجسمه الطاهر توذر              چـنه كيوان الثريا عالثره تعفر
فَكَرْبَلا لَيْلُ الأسَى يَغْشَاهَا

مِنْهُ الدِمَاءُ انْتَثَرَتْ            كَمَا الْبِحَارُانفَجَرَتْ
****

ماأريد العيني تنظر للشمس تطلع                    من بعد عباس اريد بظلمتي أگـبع
شلون أگـدر أنظر لْنجم السما يلمع                 وهذا عباس البطل فوگ الثره تـگـطع
شْلون مَا أبْـچـي لْمصابه وبالْنحب أجْزع          وانظر لعين السما ليوم الْحشر تدمع

تبكي وهذا النوح من تقواها
عَيْنُ الْسَمَاءِ كُوِّرَتْ            مِنَ الْبُكَاءِ سُجِّرَتْ
****

أسأل الشمس وأناشدها وأهل عبره                تذكر الكرار يوم الردت ابأمره
هذا عباس برسم حيدر على الغبره                شلون ماخجلت وهي تعاين دما نَحره
شلون گـدرت تنظره حين انهشم صدره          چنت اظِنها تغيب بِالطف تِبْچي معتذره

فَالْمُرْتَضَى بِكَفِهِ زَكَاهَا

نَفْسُ عَلِيٍ وُئِدَتْ             بِأَيِ ذَنْبٍ قُتِلَتْ
                             ****

من وگـع عباس وشَمْسِ الدنيه لبست هَم       وبالغروب اشعرها تنثر من مصابه دم
أبـچـي وشلون اطْلَعَت بالعاشر مْحَرَم          طِلْعَتْ وصِهْرَت جسد فوگ الثره مْخذم
والله أتْحير عَجيبه الشَمِسْ ماترحَم               هذا عباس وعَجيبه تشوفه ماتِهتم

تَباً لِقَوْمٍ جَاوَزُوْا طَغْواهَا

أَعْضَاؤُهُ قَدْ نُشِرَتْ           فَوْقَ الثَرَى وَبُعْثِرَتْ
                             ****

بكربله لكل شي أعاتب وأكْثِر الْمعْتب             نوب اعاتب عالنهر ريت النهر ينضب
وعالأرض أعتب يلنها تسعر وتلهب              ومارعت جسم الگمر لَمَّن بگه مْخضب
وعالسيوف اعتب عجيبه شلون تتصلب           وچانت اگباله تلين ابشوفته وترهب

ثُمَ انْبَرَى لِغَدْرِهِ أَشْقَاهَا

تِلْكَ الْجُيُوشُ سُيِّرَتْ          لَهُ الْسُيُوفُ أُزْلِفَتْ