بالله استعدي للبــــــــــــــــــــواجي يم لبنين     ردو اليتـــــــــــامه وانذبح عباس وحسين
يم البنين اتذبحوا كـــــــــــــــــلهم على القاع    وحسين وحسين امجرد ومكسور لضلاع
ومخدرة حيدر علي فـــــــــــــرت بلا قناع     ويا الـــــــــــحرم والنار تسعر بالصياوين
يم البنين الاربعه انذبـــــــــــــــــحوا ضمايا     ضلوا ثلة ايـــــــــــــــــــــام بالغبره عرايا
وليتج نظرتي على النهر صـــــاحب الرايه     مفضوخ راسه امقطعــــــه اشماله وليمين
يم البنين الاربــــــــــــــــــــــــعه محد دفنهم     دمهم غسلهم والتــــــــــرب صاير جفنهم
ومن الصبح زينب مشــــــــــت للشام عنهم     فوق الهزل مــــــــرت وشافتهم مطاعين
يم البنين الاربعه تشــــــــــــــــهد لج الناس     ماصار بليـــــــــوث الحرايب مثل عباس
خلى الارض روس وجثث ومطاها ميداس     روس الاعـــــادي وغلق الميدان صوبين
صاحت اولادي وكل من بالـــــــعالم يروح     وياليـــــــــت بعد حسين ماتبقى لنه روح
يابشر بالله لاتقول حســـــــــــــــــين مذبوح     ماشوف بالدنيا عوض عندي عن حسين
عباس واخوانه عليهـــــــــــــــــــم داب لفاد     اعــــــــــــزاز عندي وحزنهم بالقلب زاد
وحسين فت قلبي ونسيت فـــــــــراق لولاد     فدوه لبو سكــــــــــــــنه اولادي يامسلمين
ياليت عندي امن الولد سبــــــــــعين مولود     بالمرجله كلهـــــــــــــا مثل عباس وتزود
تنذبح وابن المصطفى لــــــــــــدياره يعود     سالم ولا تنظــــــــــــــام زينب والخواتين