***********************
واحسينا واحسين     واشهيدا واشهيد
***********************

زينب ومنـــها القلب زايد نحيبه     شايله ابكف الصبر كا هالمصيبه
زينب وعنها مشى ليث الحريبه     حايره امنــين الاخوا وسفه تجيبه

خويه وايتام وحرم     قلي جاوين العلم

***********************
واحسينا واحسين     واشهيدا واشهيد
***********************

شايفه خيها اللي ضل فيها وحماها     مرمي وبعالي رمح راسه براها
والجـــــسد مال ابوعد يمكن نساها     شايله عنه مشــــــــت ويا نساها

عنك امشيت ابحرم     خويه ياراعي العلم

***********************
واحسينا واحسين     واشهيدا واشهيد
***********************

حاير حســـــين وعلم خيه تمايل     نوبه يمنى ونوبه عاليسرى ايتمايل
والارض تحته احس انها اتمايل     من سمع عــــــباس اله نادى تمايل

مال وضل حاني الظهر      ظهري ياخويه انكسر

***********************
واحسينا واحسين     واشهيدا واشهيد
***********************

بعده ظل عاري ابو اليمه ابوطيه     ويلي ومثــــــــلث مشى ناره لضيه
والحجر من صوب اعيونه عميه     بعده ضل مرمي تدوسه الاعوجيه

كربله وطول الدهر     قبرج ابقلبي انحفر

***********************
واحسينا واحسين     واشهيدا واشهيد
***********************

كربله ومــاظن ابد انسى ذكرها     كربله ومـا ضل دمع ماهل بثرها
كربله وكل ما يهل طالع قمرها     اذكر احسين وحرم تبجي بخدرها

كربله وطول الدهر     قبرج ابقلبي انحفر

***********************
واحسينا واحسين     واشهيدا واشهيد
***********************

كربله من طـــــــب ابو اليمه ابأرضها     وسفه بالخيل العده ضلوعه ترضها
والحرم وينه اللي ضل يحمي عرضها     ظل رميه بلا جفن عاري ابأرضها

واللي طايح بالنهر     بالسهم قلبه انفطر

***********************
واحسينا واحسين     واشهيدا واشهيد
***********************

كربله وزينــب بقت تندب عمدها     تذكر اللي للخدر جاها اوعدها
خوها عباس اللي جان الها سندها     نادته لـــــينه يعود الها ويردها

نادته قلبي انكسر     كنت الي نور البصر

***********************
واحسينا واحسين     واشهيدا واشهيد
***********************