***********

يالغالي جاوبني كافي تعذبني
 حاجيني أترجاك يا نجمة الأفلاك كافي تعذبني
***********

متفاجئة بهالحال عالغبرة دمك سال يا أجمل الأطفال
قلبي عليج احتار من شافت الأنظار جدمج يدوس اشفار
فراق الاخو جتال دمع الحزن همال يا نجمة الآصال
لاتسألين اشصار لاتسمعين أخبار جمر العطش والنار
هالنبلة فرقتنا و عالمحنة لمتنا عيني فدا لعيناك يا نجمة الأفلاك

 

***********

يالغالي جاوبني كافي تعذبني
 حاجيني أترجاك يا نجمة الأفلاك كافي تعذبني
***********

يا مصعب اللحظات من أنظر الدمعات تجرحلج الوجنات
قلبي عليك ينوح وأتمنى مني اتروح لو فارقتني الروح
باللوعه والآهات عالماي أجر حسرات صوب الخيم نظرات
عالغبرة شفته ايلوح قلب أمك المجروح يم نحرك المذبوح
شيصبر أم تشوف ضنوتها بين سيوف فوق الترب مثواك يا نجمة الأفلاك

 

***********

يالغالي جاوبني كافي تعذبني
 حاجيني أترجاك يا نجمة الأفلاك كافي تعذبني
***********

ودعتك وبالعين أنظر أبوك حسين شالك على الجفين
يا سكنة خذني وياه يترجى قوم اعداه بصوت الألم والآه
رد خالي الإيدين سألته بحزن وونين يا بويه طفلك وين
أدري سكت والله بجوابه حتما تاه شيجاوب اليتناه
قال لهم عيوني جواب اليسألوني بينا ألم فرقاك يا نجمة الافلاك

 

***********

يالغالي جاوبني كافي تعذبني
 حاجيني أترجاك يا نجمة الأفلاك كافي تعذبني
***********

ما مرت على البال تتغير الأحوال تتبدل الآمال
عيوني عليك اشهود طافت عليك احشود خيل وزلم وجنود
جلمة وصعب تنقال يا سكنة دمي السال راسم درب آجال
جان الأمل معقود نتنطر إلنا تعود ننثرعليك ورود
ما حسبنا هالوردة نطشها على لحده صارالورد أشواك يا نجمة الأفلاك

 

***********
يالغالي جاوبني كافي تعذبني
 حاجيني أترجاك يا نجمة الأفلاك كافي تعذبني
***********

يا أروع الأحلام بسهم العدى تنضام وجروحي ماتلتام
حطي على قلبي جفوف روحي عليج اتطوف لا تشعرين بخوف
باجر نصير أيتام نمشي بطريق الشام وعالغبرة إنت تنام
بقبري أضل مجتوف بسهم النحر ملفوف يوم التجون اضيوف
تراب القبر أوراق واكتب عليه مشتاق سرناظري برؤياك يا نجمة الأفلاك

 

***********
يالغالي جاوبني كافي تعذبني
 حاجيني أترجاك يا نجمة الأفلاك كافي تعذبني
***********