قصائد شريط " رزايا الحسين "

الوافي - للشاعر عبدالله القرمزي

وافي يابو فاضل .. وافي و ألف وافي
ماظني في الأخوة .. مثلك أخو يوافي

عينك فدا هالعين .. يامـﮕطع الزندين

وافي يا بو فاضل .. وافي و ألف وافي

ياللي انذبح ضامي .. و الشاطي بيدينه
يالفي حِجر خيه .. ما خلى خدينه
يالي حِمى جوده .. في المعركه بعينه
يالمثله في الدنيا .. ما ظن حصل وافي

يالي الوِفا .. يتشعشع بجبينه
منه إبتدى .. و تربى فوﮒ إيدينه

يالي إذا واعد وعد .. كل همه يوفي دينه
و الي يهون إذا لثمه .. ينتصر بعده دينه .. دينه
*** *** ***

وافي يابو فاضل .. وافي و ألف وافي
ماظني في الأخوة .. مثلك أخو يوافي

عينك فدا هالعين .. يامـﮕطع الزندين

وافي يا بو فاضل .. وافي و ألف وافي

حار الوِفا بوصفك .. حارت معانِيَه
ظامي ملكت الماي .. و ما تشرب المَيه
مثله أخوك حسين .. ضامي مهو شويه
لنَك صبرت هناك .. صار إسمك الوافي

حتى العجَب .. يتعجب بخصالك
يالي الـﮕمر .. جماله من جمالك

يتعب يابو الشيمة النعت .. يبـﮕـي أبد في حيره
يالي اذا ضاع الكرم .. ما يلتجي لغيره .. لغيره
*** *** ***

وافي يابو فاضل .. وافي و ألف وافي
ماظني في الأخوة .. مثلك أخو يوافي

عينك فدا هالعين .. يامـﮕطع الزندين

وافي يا بو فاضل .. وافي و ألف وافي

منحوته حروفك .. في الذهب في ضلوعي
مكتوبه بفادي .. و عيوني و دموعي
يالي يعز بعده .. حـﮓ طيبة رجوعي
و أحتار اذا سألو .. وينه بـﮕـى الوافي

بعدك أني .. في دنيتي أعاني
يالي إله .. في مهجتي معاني

ببـﮕـى على ذكرك أوِن .. لو هلزمن ﭼواني
و إلي انحفر في الذاكره .. ما ينسى ثواني .. ثواني
*** *** ***

وافي يابو فاضل .. وافي و ألف وافي
ماظني في الأخوة .. مثلك أخو يوافي

عينك فدا هالعين .. يامـﮕطع الزندين

وافي يا بو فاضل .. وافي و ألف وافي

----------------------------

سابينا - للشاعر عبدالله القرمزي

سابينا سابينا .. هلعدى سابينا
و الحادي شـﮓ الراحله .. ما تـﮕومو لينا

ركب السبا بخطوة مشى فوﮒ العين و ناره بشيله وياي
و زينب تِنخي في الزلم يا وليان دهري شيله وياي
ثـﮕل الحمل يا كافلي فت الروح خويه شيله وياي
حتى سنى يا أهل الشيم طفل حسين ما عاش الا وياي

بهلمحنة حار هداي .. يا حادينا بهداي
إحنا بنات المصطفى ..

و العدا سابينا
*** *** ***

سابينا سابينا .. هلعدى سابينا
و الحادي شـﮓ الراحله .. ما تـﮕومو لينا

آني الأبو يالمرتضى داحي الباب و الزهراء نيام
ياما إليه من النبي مسحة راس ضمة صدر يام
و إنـﭽـان يريد الطاغية ليذلنا و تطوينا الأيام
هيهات إله و جورو يا أصحاب الجور ﮔـومو يا نيام

خل يطغى علينا الكون .. خل يكون إلي يكون
طه اطلـﮕهم بالأمس ..

و العدا سابينا
*** *** ***

سابينا سابينا .. هلعدى سابينا
و الحادي شـﮓ الراحله .. ما تـﮕومو لينا

ما شفله لينا حيدره بهلسفره سامونا بالهون
وينه أبونا حيدره ينظرنا ولية عدا يهون
كل ميت و كل حيدرة بالي جار و الخلفه يلهون
يالراس اخويه تحيدره من السنان من نزله بالهون

ﮔـوم اُنظر فعل عداك .. يالما تخلف وعداك
آني بـﮕيت على الوعد ..

و العدا سابينا
*** *** ***

سابينا سابينا .. هلعدى سابينا
و الحادي شـﮓ الراحله .. ما تـﮕومو لينا

----------------------------

يالضيعتني - للشاعر عبدالله القرمزي

أي واحسينها .. أي وا غريباه .. أي وا شهيداه
أي واحسينها .. أي وا غريباه .. أي وا شهيداه

يالي فَجَعني رَضيعة و أكبره
ما أعظمَه يومك و ما أكبرَه
ما هِدة نارك و لا جرحك برى
سبحانه إلي إلى ﮔـللبك برى

انشلعساه الي الراسك برى
يالذبحه كلشي أجل لا أكبره

يالضيعتني .. حاﭼيني يحسين
*** *** ***

خلـﭻ يا زينب أبد مستأسده
خلـﭻ لروح البتولة مجسده
يالرافضه لكل جريمة و مفسدة
يالصبر يالي الرواسي تحسده

شلي سَدى مني لِـﭻ شِلي سَدى
راسي ما حَصَل له ﭼف توسِده

إعليـﭻ انا اهون .. يختي يا زينب
*** *** ***

تدري يا عِزي أروح ميسرة
و الهضُم يا خويه في ﮔـللبي سرى
تِحسِبني ﭼني جبل في المعسرة
في جسمي روحي عليك مكسرة

و بعدك لـﮕضي العمر مِتحَسِرة
و ما يهمني لو كِلشي بعدك أخسَره

شيبت راسي .. ذبحتك يا حسين
*** *** ***

يا خيه أوداج أخوﭺ مهبرة
غيرﭺ أبد كسري ماحَد يجبره
ﮔـللبـﭻ أبونا يا حُره يصَبُره
لو آنا محرابه إنتي مِنبَره

ﮔـولي لكل من يوصله يخبُره
إن الولد راسه عن جسمه إنبرى

بوداعة الله .. و حفظه يا زينب
*** *** ***

----------------------------

ثار لكبر - للشاعر عبدالله القرمزي

ثار الأكبر .. و التوت اعلامها
لوين ليها .. و يا سواد أيامها

حَوَل على الجَيش في ﭼفه اللظى
ذَكَر الاعداء بذاك الي مَضَى
تِحصِد الفُرسان ﭼنه المُرتضى
ضيـﮓ عليهم كفو رحب الفضا

ضربتي من البطل ﭼنها الـﮕضا
ﭼنه إبراهيم يدك أسنانها
*** *** ***

ثار الأكبر .. و التوت اعلامها
لوين ليها .. و يا سواد أيامها

ﭼنه ليل الموت فوﮒ الاعداء جَن
ضَربِته وَحدَه و بعدها ما يثَن
كرحه كلما يدور بهم طَحَن
و الحرُب هِمَه و ﮔـللب ثابت اُبن

سيفه ملك الموت بين ايدينه ﭼن
و عصا موسى التِلتِهم ضِلامها
*** *** ***

ثار الأكبر .. و التوت اعلامها
لوين ليها .. و يا سواد أيامها

كَسَر ظهر حسين مِن طاح البَطَل
و الـﮕصَد حَـﮓ مصرَعَه و عِندَه وَصَل
و صاح و أفاده من عيونه انهِمَل
العفا على الدِنيا يا كِل الأمَل

يا شبيه المُصطفى و خير العمل
روحي بعدك ما تطيب آلامها
*** *** ***

ثار الأكبر .. و التوت اعلامها
لوين ليها .. و يا سواد أيامها

----------------------------

آه يا حسين - للشاعر نادر التتان

آه يا حسين و مصابه .. آه يا حسين و مصابه
لَجلَه العين سَجابَه ..
آه يا حسين و مصابه
يا حسين يالذِكَره في طَرف لساني ..
آه يا حسين و مصابه
حاشاك في يوم الحَشُر تِنساني ..
آه يا حسين و مصابه

يا بويه الناعي بنعيه .. فت ﮔـللبي و هَيَج حِسنَه
و ذِكر حسين بزفراته .. ذَوَبني و زاد الوَنه
يا بويه شلون مصابه .. حاﭼيني و خبُر عَنَه
شِلصار بيوم العاشِر .. مِن آلام و مِن مِحنه

يا بويه شلون مصابه .. حاﭼيني و خبُر عَنَه
شِلصار بيوم العاشِر .. مِن آلام و مِن مِحنه

صوت الناعي .. شف أضلاعي .. و سَل أوجاعي
*** *** ***

ما أقصى ضريابه ..
آه يا حسين و مصابه
سَلِم ﮔـللبي جوابَه ..
آه يا حسين و مصابه
ما تنوح ﮔـطعني بلهيب أحزاني ..
آه يا حسين و مصابه
و حسين ذِكرَه بالألَم خلاني ..
آه يا حسين و مصابه

شحـﭽـي لك يَبني و شَوصِف .. عن فَجعَة يوم العاشِر
و حسين الشوفه أحبابه .. متحندِب دَمَه و عافِر
وَحدَه ينادي يانصاري .. و ما ظل يا وَسفَه ناصِر
بين العِدوان ضروحه .. مَجروح و ﮔـللبه حاير

وَحدَه ينادي يانصاري .. و ما ظل يا وَسفَه ناصِر
بين العِدوان ضروحه .. مَجروح و ﮔـللبه حاير

و على الغَبرَه .. شِبل الزهراء .. داسو صدره
*** *** ***

دم أوداجه خضابه ..
آه يا حسين و مصابه
ضامي و ثوبه ترابه ..
آه يا حسين و مصابه
و يصيح يا شيعي فلا تِنساني ..
آه يا حسين و مصابه
روت الإسلام بنَهَر شِرياني ..
آه يا حسين و مصابه

يا بويه إشتِعلَت ناري .. من هلـﮕلته و صَوَرتَه
لاكِن دلالي يسايل .. عن بِضعَة حيدر إختَه
و عن نِسوانَه و أطفاله .. و عن ذيـﭻ الطِفلَه بِنتَه
و عن عبدالله بيا حالَه .. هلموقِف ما فَصَلته

و عن نِسوانَه و أطفاله .. و عن ذيـﭻ الطِفلَه بِنتَه
و عن عبدالله بيا حالَه .. هلموقِف ما فَصَلته

ضَلَو يَمَه .. و غِسلَو دَمَه .. لو ظل جِِسمَه
*** *** ***

صارو وين أحبابه ..
آه يا حسين و مصابه
شلي صار بأصلابه ..
آه يا حسين و مصابه
مَذهول ضاري بكربلاء تولاني ..
آه يا حسين و مصابه
زايد هَمي و صَبري ما سَلاني ..
آه يا حسين و مصابه

زينب يَبني فوﮒ الدم .. ضلت تِنحَب مهضومه
و نِسوانه ويا أيتامَه .. فرت بالضَرب مألومَه
و عبدالله آعبدالله .. ضامي و تِتجارى دمومَه
و رَووه بسهم المنحَر .. وصلت للخيمه علومه

و عبدالله آعبدالله .. ضامي و تِتجارى دمومَه
و رَووه بسهم المنحَر .. وصلت للخيمه علومه

و اِمه تنادي .. ذاب اِفادي .. و ضَج الوادي
*** *** ***

صوب النِسوَة ذابَه ..
آه يا حسين و مصابه
سَمَعها تِنحابَه ..
آه يا حسين و مصابه
و يصيح دَهري بهلطفل راواني ..
آه يا حسين و مصابه
يا ريت ﮔـبلله بالأجل راواني ..
آه يا حسين و مصابه

----------------------------

عمت عيني - للشاعر أسامة حسن

عِمَت عيني .. ولا أنظُر هلأجساد
مصارعهم .. تِهِد وَجدي يا سَجاد

وسط ﮔـللبي جِرِح غاير .. شيجبره
وآنا دروبي حِزن و أشجان .. و حَسرَه
من صوابي أبِث للدِنيا .. عَبرَه
يظِل نَحبي لجَِل شُبان .. العترة

يا ظَي عيني .. دَهَتني شوفة الأجساد
مصارعهم .. تِهِد وَجدي يا سَجاد
*** *** ***

عِمَت عيني .. ولا أنظُر هلأجساد
مصارعهم .. تِهِد وَجدي يا سَجاد

أخويه حسين أشوفه بحَر .. الغَبرَة
بليا راس و السَهَم في .. نَحرَه
تِدوسَه الخيل تِرُض وا ويلي .. صَدرَه
يا بعد أهلي تـِﮕلي شلون .. أنِظرَه

نِظَر عيني .. يا ليته إنطُفى و لا عاد
مصارعهم .. تِهِد وَجدي يا سَجاد
*** *** ***

عِمَت عيني .. ولا أنظُر هلأجساد
مصارعهم .. تِهِد وَجدي يا سَجاد

و أبو فاضل ﮔـُمر خَر على .. شاطي
بلا ﭼفين سَهَم في عيونه .. ساطي
فضيخ الراس و انا المتـﮕطعَه .. نياطي
تِشِب النار عُـﮕب عينه .. فسطاطي

مآسي من .. لظاها تفطُر لِفاد
مصارعهم .. تِهِد وَجدي يا سَجاد
*** *** ***

عِمَت عيني .. ولا أنظُر هلأجساد
مصارعهم .. تِهِد وَجدي يا سَجاد

إذن رَملَة عِريس .. إلماتِهنا
حَرَم جَدَه حِزنها .. تِرد عنه
إلى الحومة تِزفه بنوح .. و حنه
و أشوف بدَم يا بعد أهلي .. تِحَنه

صغر سِنه .. مِلَك آيات و أمجاد
مصارعهم .. تِهِد وَجدي يا سَجاد
*** *** ***

عِمَت عيني .. ولا أنظُر هلأجساد
مصارعهم .. تِهِد وَجدي يا سَجاد

و أخوك الي مِن أصوابَه ما .. حني
ما رد ﮔـللبي و بهلفجعة .. شعَبني
جَسَد مَفري على الغَبرة .. ذهلني
تِلِف بِحشاي صَرعني و هَيَج .. وَني

أحبتنا .. نضوي مشينا بأﮔـياد
مصارعهم .. تِهِد وَجدي يا سَجاد
*** *** ***

عِمَت عيني .. ولا أنظُر هلأجساد
مصارعهم .. تِهِد وَجدي يا سَجاد

----------------------------

يا وليدي - للشاعر عبدالله القرمزي

يا وليدي نام على الظهُر .. يا أصفى من ماي السِما
يا ﮔـللبي الي ما ارتوى .. لو روحي تصلح لك دِوا
يالي مُصابَه أعظمه ..

يا وليدي يا عبدالله روحي ما جِرى
دمعي على غيرك يا طِفلي ما جَرى
لو يدري ماي العلـﮕمي بِك ما جَرى
يالي الـﮕدَر لو جَدَه صَده ما جَرى

شلذنب مِنك هلسِبا .. حـﮓ يذبحونك هلعِدا
ﮔـللبك طهارة ﭼم حوى .. من جمرة الدنيا انـﭽـوى
لو تدري بك فاطمة..
*** *** ***

يا وليدي نام على الظهُر .. يا أصفى من ماي السِما
يا ﮔـللبي الي ما ارتوى .. لو روحي تصلح لك دِوا
يالي مُصابَه أعظمه ..

غَمَضِت عينك يابني و ما شِرَبت الماي
يالبيه تِسِع شهور تمَرجَحِت بِـﭽـلاي
كلما أنِظرَك يالبَدُر يضيع الراي
يالذلني في ذمه من هلسهم هَماي

لو طاري لمصابك طرى .. عيني تِصُب الماطره
إسم الله يابني على النَحَر .. هلصوبه ﮔـللبه حجر
لو حالي بعدك يعلَمَه ..
*** *** ***

يا وليدي نام على الظهُر .. يا أصفى من ماي السِما
يا ﮔـللبي الي ما ارتوى .. لو روحي تصلح لك دِوا
يالي مُصابَه أعظمه ..

يبني لِبَس ناتك أني شكِثُر حَنيت
ﮔـد السِما يا وليدي لمصابك حَنيت
و من منحرك خضبت راسي و تحَنيت
يا حِمى من ﮔـبض حنين لو ما حانيت

بعدك عمر لي ما هنا .. و لا شِفِت فرحة و لا هنا
أبـﭽـي و أنوح محسره .. كلما إسمك بسمعي سَرَى
و أجري بدل دمعي دما ..
*** *** ***

يا وليدي نام على الظهُر .. يا أصفى من ماي السِما
يا ﮔـللبي الي ما ارتوى .. لو روحي تصلح لك دِوا
يالي مُصابَه أعظمه ..

----------------------------

وحدي - للشاعر نادر التتان

وَحدي .. تِخَليني
ماحَد .. يسَليني

آه يَبني يا جسام

يا جاسِم .. يا وردة عمري المَفجوع
يا جاسِم .. يا بَسمة ﮔـللبي المَصدوع
أبد ما .. هـﮕيت أنظر لك مَصروع
و أشوفك .. ذبيح و غصنك مَـﮕطوع

يا جاسِم .. صدﮒ مالَك يابني رجوع
ولا يفيد .. صبُر من بعدك و دموع
طفاها .. رحيلك يابني و الشموع
و جمرة .. عِلَـﮕها و سلكنة الضلوع

صِنتَك .. و ربيتك
مِعرِس .. تِمَنيتك

آه يَبني يا جسام
*** *** ***

وَحدي .. تِخَليني
ماحَد .. يسَليني

آه يَبني يا جسام

لَعَفُر .. ياروحي جِسمي بجِسمَك
و دمعي .. يهل و يغسِل دَمَك
يَهَلي .. دليلي بشوﮔـه يضُمَك
و ﮔـللبي .. بحنينه و عطفه يلمك

فديتك .. يا فادي بروحك عمك
تجاوب .. من إلي خَضَب حِلمك
و سيفه .. فراك و ﮔـطَع لحمَك
و بعدَك .. لِفَى و ﮔـطَع ﮔـللب اُمك

جاوِب .. يا دلالي
و أنظر .. عظم حالي

آه يَبني يا جسام
*** *** ***

وَحدي .. تِخَليني
ماحَد .. يسَليني

آه يَبني يا جسام

يا جاسِم .. لظل أتذكر المصاب
و أنادي .. يا مَن دمَه لـﭽفه خضاب
و كلما .. تِصِد عيني زفة شاب
ذكرتك .. يا من عِرسَه حر تراب

دليلي .. من أحوالك خر و ذاب
تركتك .. على الغَبرة و راسي شاب
حِمَلتك .. في ﮔـللبي زفرة و تنحاب
و ما غاب .. خيالك عني ما غاب

أمشي .. غَصُب عنك
و روحي .. لَدِفنَنَك

آه يَبني يا جسام
*** *** ***

وَحدي .. تِخَليني
ماحَد .. يسَليني

آه يَبني يا جسام

----------------------------

ويلاه يا مظلوم - للشاعر عبدالله القرمزي

من حنة أطفالك ذوبتني .. من حنة أطفالك ذوبتني
ويلاه يا مظلوم .. ويلاه يا مظلوم

تريد الماي ياهو اليجيبه .. تريد الماي ياهو اليجيبه
ويلاه يا مظلوم .. ويلاه يا مظلوم

هذي تصيح يا ياب .. و هذي فوﮒ التراب
فرت ودها لو ﮔـطرة ميه

عنه يصيح الصغير .. ظل بعيني أدير
أنظر وردة ذبلانه و ضميه

سكنه تصيح بويه .. ﮔـبللي يموت خويه
طفي بشربه ﭼبده الملتضيه

كل خيام ونات .. كل عيون دمعات
كل الماي ما يطفي الي بيه

أحوالك يخويه فتتني .. أحوالك يخويه فتتني
ويلاه يا مظلوم .. ويلاه يا مظلوم

يهل جايبني من طيبة و عفتني .. يهل جايبني من طيبة و عفتني
ويلاه يا مظلوم .. ويلاه يا مظلوم
*** *** ***

من حنة أطفالك ذوبتني .. من حنة أطفالك ذوبتني
ويلاه يا مظلوم .. ويلاه يا مظلوم

تريد الماي ياهو اليجيبه .. تريد الماي ياهو اليجيبه
ويلاه يا مظلوم .. ويلاه يا مظلوم

خويه النار النار .. من شبة و الصغار
فرو بالفلا و الخيل ميدان

ﮔـللبي ماله حال .. بين النسا و الاطفال
حاير بين عطشانه و عطشان

روح الساع وفها .. جمرة ﮔـللبي طفها
أضلاعي إستوت السنة نيران

و ردت أطير الفرات .. و أروي هلصغيرات
ماليه بعدكم ياهلي جنحان

هلسفرة العصيبة ذوهلتني .. هلسفرة العصيبة ذوهلتني
ويلاه يا مظلوم .. ويلاه يا مظلوم

مثل ﮔـللبي ترى ما سلم متني .. مثل ﮔـللبي ترى ما سلم متني
ويلاه يا مظلوم .. ويلاه يا مظلوم
*** *** ***

من حنة أطفالك ذوبتني .. من حنة أطفالك ذوبتني
ويلاه يا مظلوم .. ويلاه يا مظلوم

تريد الماي ياهو اليجيبه .. تريد الماي ياهو اليجيبه
ويلاه يا مظلوم .. ويلاه يا مظلوم

يالي الـﮕوم هدني .. بس ذكره يهدني
يفجعني و يطفي بـﮕللبي يا حسين

يالي زاد نحبه .. اجدب ليك نحبه
باﮔـي الي عليه يا ضيا العين

محنا عزاز محنا .. من محنه لمحنه
يلجي و يلتجي فينا الحزن وين

خلاني لحالي .. ﮔـوم و شوف حالي
أشوليه لو ياخذني البين

هد الزمن كلما ﮔـللبي يبني .. هد الزمن كلما ﮔـللبي يبني
ويلاه يا مظلوم .. ويلاه يا مظلوم

أحد منكم سمعني ابـﭽـي يابني .. أحد منكم سمعني ابـﭽـي يابني
ويلاه يا مظلوم .. ويلاه يا مظلوم
*** *** ***

من حنة أطفالك ذوبتني .. من حنة أطفالك ذوبتني
ويلاه يا مظلوم .. ويلاه يا مظلوم

تريد الماي ياهو اليجيبه .. تريد الماي ياهو اليجيبه
ويلاه يا مظلوم .. ويلاه يا مظلوم