مقصدك وين

*** *** ***

شايل بضياعنك إلى وين .. و الحرم و العيله وياك
ﮔلي يا حسين .. مـﮕصدك وين

يا حبيب المرتضى وين .. بالأهل ضاعن عن الدار
و تارك المسكن بلاياك .. أﮔـفر و يروي لي اكدار
و السكن من غيرك شلون .. ينسكن أو تعمر ديار
و لو أصد بعيوني من صوب .. دارك يعذبني تتجار

و تسأل العين .. مـﮕصدك وين
و تسأل العين .. مـﮕصدك وين
*** *** ***

ﮔلي يا حسين .. مـﮕصدك وين

يا عزيز المصطفى تروح .. و المدينة خلافك تروح
و لو أغمض جفني لحظات .. تنزع بأوصالي الجروح
و أنضرك بلهفة الشوق .. عالوطية و أنته مذبوح
و أشعر بهالضعنة للموت .. يا حبيبي معزم تروح

و يا حمى الدين .. مـﮕصدك وين
و يا حمى الدين .. مـﮕصدك وين
*** *** ***

ﮔلي يا حسين .. مـﮕصدك وين

ما أشوف بهالسفر فيه .. يا حبيبي رجوة رجوع
راحل و تاركني أتناك .. و أحمل الغبنة بالضلوع
و الحبيب اللي يحاﭼيك .. ما تفتر منه الدموع
يا بـﮕية داحي الباب .. و يا فرد شامل المجموع

و تسأل الحين .. مـﮕصدك وين
و تسأل الحين .. مـﮕصدك وين
*** *** ***

ﮔلي يا حسين .. مـﮕصدك وين

أوﮔـف بكل ضحوة بالباب .. يمكن تبعثولي مرسال
و ينـﮕضي بوﮔوفي النهار .. و لا خبر منكم و لا حال
و أرجع أتذكر لياليك .. و أنتظر كل مطلع هلال
و من شفت حمرة الآفاق .. أيقنت ما ترجع الآل

و ينزل البين .. مـﮕصدك وين
و ينزل البين .. مـﮕصدك وين
*** *** ***

ﮔلي يا حسين .. مـﮕصدك وين

لو يموت محمد بشوﮒ .. لجمالك ما هو معتوب
و يا حرارة تعبر سنين .. باﮔيه تسعر بالـﮕللوب
كيف أخوك يـﮕـارب النوم .. و الحشاشه بداخله تذوب
و يا أسافه على القدر ما .. أصبحت وياك مكتوب

و عاليمـﮕفين .. مـﮕصدك وين
و عاليمـﮕفين .. مـﮕصدك وين
*** *** ***

ﮔلي يا حسين .. مـﮕصدك وين