ياخويه يمظلوم يا راعي الحميه
قلبي اوياك يحسين اوعيني اعلى النساوين

على ماالنوح يا زينب انياحج ما تعوته
يختي محي دموعج حزنج ما وصل وقته
انا بوصيج سمعيني وصيه من الاخو لخته
مصابي لو يقع يختي على صم الصخر فته
وصيتي تصبري لازم على مرة و فاجعته
شبيه المصطفى يختي اشوفه مقطعه جثته
اجيه وحالي يتغير اصيح آه من شفته
اطلعي من الحذر يختي تلقيني اذا جبته
او جاسم يختي اخضابه ابدما جراحات خضبته
فجع قلبي ابن خويه عريس الطف تخيلته
و ماالطفل عبدالله شرب دمه من ارقبته
سقاه السهم يا زينب ويديني يختي حا ظنته

قبل هالخبر يوصل لج ومني يختي تسمعين
على قلبج بحط ايدي اخاف عليج ترتاعين
كفيلج ياختي العباس ما تسلم اله الكفين
بلا ماي افرقوا جوده او سهم واقع اوبسط العين
سلام يبلغج يختي و يوصي عليج لا ضيعين
انحي اجساد مرميه جفيوني بها الطيـــــــبين
ورد للخيم يا زينب يهل دمعي على الخدين
و يصير وداع ما بيني و بينج والحرم صوبين
وروح المعركه ولا رد و يجتلوني بسهم البين
يحز راسي الشمر بالسيف و انتي واقفه اتشوفيني
اتغري معوله ابو لوال راح احسين راح احســـــــــــين


ياخويه يمظلوم يا راعي الحميه
قلبي اوياك يحسين اوعيني اعلى النساوين

وصاياتك على راسي و على عيني يخوي حسين
اشلون املك صبر قلبي و احبس دمعه العينين
هلي اذكرت لي بيصير عجل بو الفضل وانته وين
ابات الليل في حيره ويصير اصوابي اصوابين
هم الغربه يخويه و هم بيه ابتلاني البين
قلبي يرجف امن الخوف رد بي للوطن هالحين
كلفه الحرمه يخويه اتظل بلا ولي و امعين
تدري بيه من صغري عزيزة مدلله ياحسين
صيتى بالخذر شامخ يخويه من قبل صفين
تربيت ابحجر بويه على الكرار ابو الحسنين
ما يوم الهضم جاني و لا يوم انظرت لي عين

مثل ما انته توصيني انا عندي وصيه اعليك
ا من امي فاطمه الزهراء اوصل هالرساله اليك
قبله بالصدر مرة او قبله بالنحر اهديك
مكان السيف بالمنحر و مكان السهم لمآذيك
امانه عندي عيالك و بروحي انا بفديك
من ادماتك احني الراس و عين تفقدك تبكيك
لون ذاك الوقت يحسين روحي ادواك باداويك
لو بيدي يخلوني ظل وياك ما خليك
ولوماي الحصل بيدي قبل ذبحك لجان اسقيك
مو بيدي سوى ادموعي ونشفت من بجاها اعليك
يخويه ماا لي حيله على الناقه اباعازيك
لو بي وقعت الناقه ابمسرايا ابا ناديك


ياخويه يمظلوم يا راعي الحميه
قلبي اوياك يحسين اوعيني اعلى النساوين

تزيدوني على همي يخوتي لا تمحنوني
يسلبوني بعد عزي علي بويه و يضربوني
يعرفوني انا زينب وزهراء امي ما ينسوني
و يذلوني واني بهيبه رفيعه راس ما دوني
يمشوني اوكفو عباس او اخوانه يحرسوني
يركبوني الهزل يحسين على الناقه و يكتفوني
يطوفوني على جسمك بودعك ما يخلوني
يمشوني غصب عنك الى الكوفه يودوني
يروعوني بلا تهويد من ناقه تقع جوني
يفجعوني امن الشوف الراس ايلوح و تنظره عيوني
يراووني المذله شلون واتصبر يذلوني
يذكروني ابزمان الراح بين اهلي الي عافوني

ينور العين بين امي ينور العين
انا من وين اجتني النايبه امنين
الوذ المين من بعده الوذ المين

ترضى امشي اويجناب و اصير ابمذ له
يحسين القلب ذاب عزي راح كله
ما عندي ولي و ذاب يحمي الخذر واهله
كانوا حولي اسباع و اقمار اهله

 

ياخويه يمظلوم يا راعي الحميه
قلبي اوياك يحسين اوعيني اعلى النساوين

تهل عيني على فرقاج يختي الساع ودعيني
قبل حيني اود يختي اضمج وانتي ظميني
بعد ما ادري تشوفيني لونج ما تشوفيني
انا بولادي واخواني بضحي من اجل ديني
الج يختي اجر مثلي تصبرين و تواسيني
تواسيني بعد قتلي على ايتامى تقر عيني

تقريني على احزاني على همي تقويني
تدليني امن اون يختي و عند المصرع اتجيني
تناديني ويبوح الصوت يا خيه تناديني
و حق ديني انا عطشان جيبي ماي واسقيني
تداويني ادا بيدج دوا يختي تداويني
توسديني و تجيبي اوساد تحت خدي توسديني

اخوج احسين يا زينب اخوج احسين
ابلا تكفين ايظل يختي بلا تكفين
متى اتعودين من اسرج الي ادفنين

جني بيج يختي اسيرة وفي مذله
الله اوياج يحميج رب الكون كله
ثقل الحمل يختي ما اتشيله الاهله
صبر اللي صبرتيه محد صبر مثله
 

ياخويه يمظلوم يا راعي الحميه
قلبي اوياك يحسين اوعيني اعلى النساوين