يوم احدعش

يوم احدعش يوم الشوم زينب وحيده
عن كل أحبتها اليوم صارت بعيده
ساهرة ويا عين تنام...... حايره بنسوة وأيتام...... مفزوعة بين الظلام
زينب وحيدة.....زينب وحيدة

آه..... وانزاح استار الليل
آه...... والعين تشوف الويل
آه..... وين الشمس بها ليوم
آه...... لو هم داستها الخيل

غربة وللأسى قيود..... والعيلة بوجلها
يا يوم احدعش قول..... زينب وين أهلها

على زينب وحشة الدنيا وما تجبرها الحسرة
ألم وضيعة ونار وحيرة وتاليها السفرة
كلهم عافوها في غمضة من العين
ما تدري بهمها تتوجه لا وين

والى هالحظة الأجساد تون من فوق الغبرة
عطش وما تتروى الأوصال بغير العبرة
محد واراهم من ظهر العاشر
صرعة وخلوهم وسفه بلا ساتر

الكافل من الصوبين مقطوعة أيده
وبلا هي بالرمضة حسين حزوا وريده

راحت أشبال الكرار...... وانطفت ذيج الأنوار
ظلت تعد الأقدار..... زينب وحيده

نادت بالقلب المجروح...... من فينا خويا المذبوح
روحك شافت مرة الموت...... وجم موتي تصد بينا الروح

ما واحد رحمنا..... ياخويا انهضمنا
بين الحيرة والخوف...... يتزايد ألمنا

على زينب كل قلب اليوم يموج بزلزاله
على شوفتها لراس حسين براس العسالة
الله يساعدها على ظيم وبلواه
جرح وخاطرها ومن يسمع شكواه

على زينب حتى الصخر أجرى دموعه الهمالة
على مشيتها بولية ناحل خيه وجتالة
صدمات عليها تتوافد ألوان
ولعظم الحالة تبجيها العدوان

كلما تخفت بيها محنة شديدة
حلت يويلي عليها محنة جديدة

طالت وطالت الدروب...... والألم ينهش القلوب
وبجمر كل محنة....... تذوب زينب وحيدة

ذابت زينب من الأهوال..... وعنها يقول لسان الحال
يا خويا انهض لي وشوف...... نكبة وما خطرت عالبال

ما يكفي انسلبنا وعالسفرة انغصبنا
وإحنا عالهوازل يا خويا انضربنا

على من تعتب يا قلبي وليت يفيد عتابي
على من ما تقلي ومحد يسمعني من أحبابي
رحت وعذروني خليت الأجساد
لازم اعذرهم خلوني بالاقياد

على عباس شلون اعتب وأنسى زنوده وراسه
وإنا مالوم حسين وبعيوني الحافر داسه
مكتوب علي اصفي وما لي إخوان
واقصد بعتابي بس دار الخوان

تاج المعزة والصون منهو يعيده
اخفي الألم بيه شلون والأسر يزيده

دولبتني صنوف البين...... غرقتني بدمع العين
على خدرها تسايل وين...... زينب وحيدة