بس سواد الليل ويانا أهلنه           وعن أهلنه ينقطع باجر آملنه

ودي فــوق الــــغــــبــره أبـقى آني يـمك           وأروي أشواقــــي اولــو مذبوح اضمك

هــذي آخـــر ســاعه وياك

انـتـه لـحـمـي لو تفتش وآني لحمك                 والعجب ما ينسجب دمي اويا دمـك

خويه يحسين روحي تفداك

ودي أضلاعك أجمّعها أويا جسمك                  واحــمــلك فـي قـلبي وبعمري اشمك

لا تظن في لحظه أنساك

يا اللي مات اوما شرب قطره من الماي            ابطيحتك منهو اليباري لي يتاماي

ذكرياتي اوياك أنبشها ابخيالي                       خويه لكن صمتك ايحير سؤالي

أنته آخر سور إليه

الجرح في قلبي انته اللي تداويه                     والهوا لو مر عليه انته تحاميه

نايم وروحي لظيه

ما تصد ليه وتسكّن وحشة الليل                     آني زينب ترضى أمشي أويا الرجاجيل

وارتحل عنك سبيه

          حروفك ابماي الذهب مكتوبه فيه         يالذهب مرمي على حر الوطيه

واغرفت من دم أخوها إليجري في الطف           زينب اتخضب شعرها اوظاهر الجف

حسين لا ما ينسه حسين

هذا دمك يا لأخو منه خضابي              ايخفف اقيودي ويبرد كل مصابي

وين أولي بعدك إلوَين

وهذا لأمي أحمله منك علامه               ولو يجف باجر تروّيه اليتامه

وهذا راسك تحرسه العين

من جراحك يابوسكنه شوصف أكثر      من حزن وبيا ألم قلبي ايتعثر

راحله عنك اوقلبي باقي عندك             يحرسك لا تبقى فوق الغبره وحدك

يا وكر ريش اِلأحمله

ابواحده أبعث لك أنفاس الأخوّه            ابواحده اروي الفؤاد الما تروّى

وامسح الدم اِلتهله

وأحمل ابخنصر يمينك نبلة العين          وأرسم ابعينك يخويه قبلة الدين

يا نجم بين الأهلّه

يا الجراحك جنها سوره وانته قرآن      أدري محرابك من الدم يبقى طوفان

اوداعة اااه اروح                  وبيه تغلي الجروح