------------------------

 

 

طلعت حايرة - علي السلاطنة

 

مصيبه و العرش لَـَعظم لها ماي .. و عيني دم تسح لا تظن لها ماي

و شـﮓ السيف يا ريته لها ماي .. تعيش إنته و لي حتف المنية

*** *** ***

 

طلعت حايره زينب .. من عندها الـﮕللب يلهب

و بباب الخدر تنحب .. تصرخ يا علي حيدر

 

رفعت للسماء الـﭽـفين .. تدعي و الدمع بالعين

ربي رد أبو الحسنين .. سالم رده لي حيدر

 

من شفته طلع يـﮕرأ المعوذات ..

عينه بالسماء تـﮕللب الصفحات ..

و دموعه جرت تحفر الوجنات ..

صرت بحسرتي و أصفج الراحات ..

 

و من شد محزمه الباب ..

ينعي و دمعه سـﭽـاب ..

إحزم يا علي حزام المنية ..

*** *** ***

 

ساعة و ماجت الكوفة .. و شفت الـﮕمر و خسوفه

و هيج بالـﮕللب خوفه .. سالم يا علي حيدر

 

و الدنيا عويل و نوح .. و الونة تفت الروح

و صوت من السما مجروح .. يندب يا علي حيدر

 

و إرتفعت من الجامع صوايح ..

تصرخ يا علي و ضجة و مناوح ..

طلعوا يحملونه بالنوايح ..

و حسرة و صارت الكوفة بزلازل ..

 

و أصفج راحلي براح ..

يا عزي الـﮕِضا و راح ..

مصابك يا علي أعظم رزية ..

*** *** ***

 

و ألفاها العزيز حسين .. ينحب و الدمع صوبين

و صاحت يا نظير العين .. وِشحال الولي حيدر

 

و رد و دمعته هلت .. شوكتنا ترى افتلت

بس هالضربة من حلت .. ضيعنا علي حيدر

 

يا زينب ترى تبدد شملنا ..

و ضِعنا يالعزيزة شلون ضيعة ..

هالضربة ترى هدت حِملنا ..

يَختي و انهدم ركن الشريعة ..

 

تبـﭽـي على هالمصاب ..

الشرعة الكتاب ..

و الأملاك في السبع العليَة ..

*** *** ***

 

ضَلت تلطم الهامة .. تشوفه يكابد آلامه

و راسه تعصبه العمامة .. واليها علي حيدر

 

ياليته جفاني الشوف .. ولا شوفك ﮔـَمر مخسوف

دامي يا حلو الوصوف .. و تون يا علي حيدر

 

سيف الي طبر راسك الغالي ..

ﮔـطع كل شرايني و ذبحني ..

و الله بشوفتك خابت آمالي ..

ونك يا عزيز الروح فتني ..

 

بس أسمع الونات ..

تصير الموتة موتات ..

تنزع روحي و تردها عليهَ ..

 

 

------------------------

 

بكاء الأملاك - علي السلاطنة

 

على مصابك .. بـﭽت الأملاك

هوت بالنوح .. على مصلاك

تمرغ بالدما جنحان .. ترفرف بالسما و تنعاك

 

ينوح على الوصي جبريل .. و بعد لون السماء تغير

و يضج ركن الهدى تهدم .. يا شيعة و انذبح حيدر

ملايك ضجه بالمحراب .. على المحنة الملأ كبر

تعالت بالفضاء الصيحات .. و حيدر دامي و مطبر

 

غدت كوفة بـِﭽـى و ترتيل .. سحايب سودا مثل الليل

على الجامع كئيبه تميل .. و لا دارت بعد الأفلاك

*** *** ***

 

على مصابك .. بـﭽت الأملاك

هوت بالنوح .. على مصلاك

تمرغ بالدما جنحان .. ترفرف بالسما و تنعاك

 

يئِن يم راسه عزرائيل .. يعاين طبرته و حيران

عجب دامي يَبو الحسنين .. تون يا داحي البيبان

أنا الي إمرتي بسيفك .. معاك بحومة الميدان

تكبر و أنزع الأرواح .. إجيت بيوم إلك خجلان

 

نزع روحك فلا أﮔـوى .. أنا و كل الملك فدوى

إلك يا خيرة الصفوة .. و بعد كل شيعتك تفداك

*** *** ***

 

على مصابك .. بـﭽت الأملاك

هوت بالنوح .. على مصلاك

تمرغ بالدما جنحان .. ترفرف بالسما و تنعاك

 

إجاه بلهفته اسرافيل .. و يشوف دمومه منه تفور

يئن بحرﮔـة أنفاسه .. يَليته لو نفخ في الصور

ﮔـبل عيني النبي بعينك .. أشوف الخشية يالمبرور

عساها تغمض عيوني .. ﮔـبللها لا أشوف النور

 

علي يَمشيد الإسلام .. علي يا رحمة العلام

علي يا كافل الأيتام .. علي بسمه العلي سماك

*** *** ***

 

على مصابك .. بـﭽت الأملاك

هوت بالنوح .. على مصلاك

تمرغ بالدما جنحان .. ترفرف بالسما و تنعاك

 

و إجا له خازن الجنة .. برسالة فاطمة الزهراء

ﮔـبل ما تغمض أجفانه .. توصه بزينب الحوره

وديعه خلها يَم عباس .. تعيش بظله مستوره

ترى تشوف الحسن مسموم .. و ﭼِبده بسمَه مفطوره

تشوف حسين بليا راس .. و رضيعه دامي بصدره

و على الشاطي بلا ﭼفين .. عمدها و راسه مشطوره

 

تظن مضيعة و تحتار .. و خدرها يشتعل بالنار

بأراضي غربة يالكرار .. و بعد ذاك الهضم تنخاك

*** *** ***

 

على مصابك .. بـﭽت الأملاك

هوت بالنوح .. على مصلاك

تمرغ بالدما جنحان .. ترفرف بالسما و تنعاك

 

 

------------------------

 

سفينة نوح - علي مرهون

 

رفرف عليه .. طير المنية

و انته سفينة نوح .. و آنا عليك أنوح

و أنصب عزية .. صبح و مسية

 

باودعك حيدر علي يا شمعة الروح ..

باودعك يا سيدي و ﮔـلليبي مجروح ..

غالي يابو حسين و حسن لاوين بتروح ..

بعدك ليالي موحشة مَتفارﮒ الدار ..

 

و المهجة تسعر .. ياعلي حيدر

لأجلك يانور العين .. يبـﭽـي الحسن و حسين

و أنصب عزية .. صبح و مسية

*** *** ***

 

رفرف عليه .. طير المنية

و انته سفينة نوح .. و آنا عليك أنوح

و أنصب عزية .. صبح و مسية

 

حيدر ياليت المعمعة و فاتح حصنها ..

شيل العصابة يا علي و خلصني منها ..

زينب أني الحورة يابويه التسأل عنها ..

جيتك و ﮔـللبي بالرزية يشتعل نار ..

 

و أصيح حيدر .. ﮔـللبي تفطر

مفجوعة مفجوعة .. يا علي مفجوعة

و أنصب عزية .. صبح و مسية

*** *** ***

 

رفرف عليه .. طير المنية

و انته سفينة نوح .. و آنا عليك أنوح

و أنصب عزية .. صبح و مسية

 

حيدر توصيني بحسن و حسين جملة ..

هذا الحِمل يابو الحسن منهو يحمله ..

بعدك على الدنيا العفا و الدهر كله ..

جاير علينا و استوينا بطغمة أشرار ..

 

هذي الوصية .. أعظم رزية

يابو الحسن نفداك .. خذنا ترى وياك

و أنصب عزية .. صبح و مسية

*** *** ***

 

رفرف عليه .. طير المنية

و انته سفينة نوح .. و آنا عليك أنوح

و أنصب عزية .. صبح و مسية

 

حيدر و محرابك ﮔـِضاها دموع و دموم ..

يبـﭽـي على عزٍ مضى و فارﮒ اليوم ..

يالي فجع شهر الدعا و ما كمل الصوم ..

باودعك حيدر علي يا سور الصوار ..

 

نومه هنيه .. نِرت العليه

يا ساﮔـي الكوثر .. يا علي يا حيدر

و أنصب عزية .. صبح و مسية

*** *** ***

 

رفرف عليه .. طير المنية

و انته سفينة نوح .. و آنا عليك أنوح

و أنصب عزية .. صبح و مسية

 

 

------------------------

 

يا فارس بدر - علي حمادي

 

يا فارس بدر و حنين .. يا نعم الولي

يا والد حسن و حسين .. يا حيدر علي

 

آهات الـﮕللب تسعر ..

يالساﮔـي على الكوثر ..

راسك يا علي مطبر ..

يا حيدر علي ..

 

وﮔـفت زينب على الباب .. صاحت بالفضا شصاير

خبروني يَهلأحباب .. عـﮕلي و الفكر حاير

لـَتـﮕولوا وﮔـع المصاب .. و جسمه بالدما خاير

 

لـَتـﮕولوا علي الكرار .. طايح في الصلاة

مَـﮕدر بعده عالأخطار .. ما أﮔـدر بلاه

 

شوفوا لي خبر حيدر ..

و دمعي والله تحدر ..

أرد أتأكد المصدر ..

عن حيدر علي ..

*** *** ***

 

يا فارس بدر و حنين .. يا نعم الولي

يا والد حسن و حسين .. يا حيدر علي

 

آهات الـﮕللب تسعر ..

يالساﮔـي على الكوثر ..

راسك يا علي مطبر ..

يا حيدر علي ..

 

لحظة ارتفعت الضجة .. و سمعت زينب منادي

طاح بسجدته الحجة .. و غاله بسيفه المرادي

خرت صاحت المهجة .. طايح عزي و سنادي

 

يا محلا أذانه وياه .. محلا وﮔـفته

مزهر دايم محياه .. بالله شجرمته

 

بالله شلون يغيلونه ..

حيدر ما يعرفونه ..

بالمحراب يطبرونه ..

حامينا علي ..

*** *** ***

 

يا فارس بدر و حنين .. يا نعم الولي

يا والد حسن و حسين .. يا حيدر علي

 

آهات الـﮕللب تسعر ..

يالساﮔـي على الكوثر ..

راسك يا علي مطبر ..

يا حيدر علي ..

 

شافت بوها و الأنصار .. و بجنبه حسن و حسين

شمس و حوله الأقمار .. ذاب الودما بالعين

صاحت يا خراب الدار .. بعدك يا أبو الحسنين

 

سن الوالي بداره .. آه يا شايليه

خلوني أعصب .. راسه و أحني عليه

 

أمسح شيبه الطاهر ..

و أشد عبرة الباكي ..

آه يا حظنا العاثر ..

بعده منهو لي ..

*** *** ***

 

يا فارس بدر و حنين .. يا نعم الولي

يا والد حسن و حسين .. يا حيدر علي

 

آهات الـﮕللب تسعر ..

يالساﮔـي على الكوثر ..

راسك يا علي مطبر ..

يا حيدر علي ..

 

خبرني بعد يابه .. لو أﮔـبل عليه العيد

يالي براسه العصابة .. شلون ألبس لبس الجديد

هذي دموعي سـﭽـابه .. و بدونك فرح ماريد

 

راحت زهوة الأعياد .. بعد مصيبتي

ﮔـللبي مـﮕيد بأﮔـياد .. حزني و لوعتي

 

مجروحة بفـﮕد و آلام ..

غصة بطيلة الأيام ..

آني بحزني ما أنلام ..

يا حيدر علي ..

*** *** ***

 

يا فارس بدر و حنين .. يا نعم الولي

يا والد حسن و حسين .. يا حيدر علي

 

آهات الـﮕللب تسعر ..

يالساﮔـي على الكوثر ..

راسك يا علي مطبر ..

يا حيدر علي ..

 

 

------------------------

 

يا زائراً - خادم الحسين

 

يا زائراً .. أرض الغري .. الزاكية

عرج على .. قبر الوصي .. و ناديه

 

فإذا وصلت إلى الضريح فلذ به .. و إرخص عيونك بالدموع الجاريه

و تأمل القبر الشريف ترى له .. نورً يشع إلى السماء العاليه

و إشخص بطرفك نحو باحة قبرهِ .. لترى القلوب إليه تفزع باكيه

و امعن بها كم قد حوت بفنائها .. من وافدين إلى الزيارة ساعيه

هذا ينوح و تلك تشكو زمانها .. عبثاً تنادي من المصائب شاكيه

*** *** ***

 

يا زائراً .. أرض الغري .. الزاكية

عرج على .. قبر الوصي .. و ناديه

 

كم حُرةٌ ثكلى و كم مظلومةٌ .. جاءت على بُعد المسافة حافيه

تشكو الهموم و شجوها لإمامها .. محزونةً حَر الفؤاد و داعيه

سلب الزمان نعيمهُ منها و قد .. كانت مساوئه عليها باديه

فهوى بها من عزها و شموخها .. حتى رماها بالسهام الراميه

خطف الزمان مغيثها و معينها .. فإذا الربوع من الأحبة خاليه

*** *** ***

 

يا زائراً .. أرض الغري .. الزاكية

عرج على .. قبر الوصي .. و ناديه

 

يا لائذاً بثرى الضريح ميمماً .. وجهٌ تضرع بالقباب الساميه

و اشكو له ألم الفراق و قـُل له .. مولاي جئتك من ديارٍ نائيه

لك في فؤادي جمرةً لم يطفها .. حر اللقاء و نارها هي حاميه

فإذا خلوت بقبرهِ فاعرض له .. كبر المصائب بالتشيع داهيه

و انبيه كم يؤذ القلوب عذابها .. قمم الجبال بشجوها متهاويه

*** *** ***

 

يا زائراً .. أرض الغري .. الزاكية

عرج على .. قبر الوصي .. و ناديه

 

أنبيك قد نزع المشايع ثوبهُ .. ثم ارتدى ثوب الشكوك الواهيه

و مضى يحرف دينكم و عقيدةً .. شيدت أطرافً لها متراميه

أسفاً لأعمدة التشيع بعدها .. عنه مضيت به هوى متداعيه

قد دك صرح الحق رأس بغيهم .. و ظلامه عم البلاد القاصيه

إن كان في صدر الزمان معاوية .. فاليوم فينا ألف ألف معاوية

*** *** ***

 

يا زائراً .. أرض الغري .. الزاكية

عرج على .. قبر الوصي .. و ناديه

 

و لئن قُتلت بسيف غدرٍ مرةً .. و هوى ابن ملجم سيفهُ بالناصيه

فعليك هذا اليوم كل سيوفه .. شائتك يا حامي الشريعة قاضية

هذي ديار المارقين بكفرهم .. قفراء موحشةٌ عليهم خاويه

غنى بها شيطانهم و جنوده .. نشوان قد ألقى العبيد بهاويه

و إذا مُحبك يا علي بوحدةٍ .. و عليه قد شبك الزمان أياديه

*** *** ***

 

يا زائراً .. أرض الغري .. الزاكية

عرج على .. قبر الوصي .. و ناديه

 

 

------------------------

 

لا ترحل - علي السلاطنة

 

يابويه يابويه ..

لا ترحل يابويه ..

 

شفت براسك هالطبرة ..

و ذكرني مصاب الزهراء ..

 

أذكر من طبوا الأشرار .. و الزهراء من دون خمار

و خلف الباب يعصروها .. و بالصدر ينبت مسمار

و أنا و الحسنين نشوف .. حالة أمنا و إحنا صغار

كل الضيم البدنيا .. بذاك المشهد شفته و ذار

 

و لليوم أسمعها زين ..

كسرة ذيـﭻ الضلعين ..

 

و المحسن فوﮒ الأعتاب ..

يتعفر شفته يا ياب ..

*** *** ***

 

يابويه يابويه ..

لا ترحل يابويه ..

 

شفت براسك هالطبرة ..

و ذكرني مصاب الزهراء ..

 

شفت النار النار النار .. يابويه تشعل بالدار

مسعوره و من يطفيها .. و إنته مـﮕيَد يالكرار

و بالحبل بس من سحبوك .. و أمنا خلفك تتعثر

إيد على الضلع المكسور .. و إيد بـﭽـفها تتستر

 

مظلومة مظلومة ..

شفنا أمنا و مهضومة ..

 

شفناها والله تنضام ..

و خلتنا يابويه أيتام ..

*** *** ***

 

يابويه يابويه ..

لا ترحل يابويه ..

 

شفت براسك هالطبرة ..

و ذكرني مصاب الزهراء ..

 

و الي جرى عليها و صار .. باﭼر يجري لي و أحتار

تهجم الأوغاد بخدري .. يابويه و تشعلها بنار

و نفس المشهد يتكرر .. و المحنة و أطفال صغار

مذعورة و يآذيها الخوف .. و آني بالـﭽفوف أتستر

 

مسلوبة و مالي ﮔـناع ..

و ﮔـللبي شايل أوجاع ..

 

و إفادي يضل بالحسرة ..

و آلام المحنة تعصره ..

*** *** ***

 

يابويه يابويه ..

لا ترحل يابويه ..

 

شفت براسك هالطبرة ..

و ذكرني مصاب الزهراء ..

 

و طفلي الشفته يتعفر .. يتكرر نفس المنظر

من يلفي بعبدالله حسين .. مذبوح بسهم المنحر

يَم باب الخيمة يخليه .. و ﮔـللب أخوانه يتفطر

طفل و سابح بدمومه .. و أمه تشوفه و تتحسر

 

مظلومه مظلومه ..

يابويه و محرومه ..

 

و رنة هاذيـﭻ الضلعين ..

أسمعها من صدر حسين ..

*** *** ***

 

يابويه يابويه ..

لا ترحل يابويه ..

 

شفت براسك هالطبرة ..

و ذكرني مصاب الزهراء ..

 

 

------------------------

 

يا حيدر - علي حمادي

 

يا حيدر .. يا حيدر

 

اشلون المرادي شـﮓ راسك  .. و انته المعروف بشدة باسك

مهيوب و تشهد لك غزواتك .. و الجبهات تتحدد عزماتك

 

يا حيدر .. يا حيدر

 

خـَلنسأل خيبر يابو الحسنين .. خـَلنسأل بدر و نسأل صفين

منهو يشـﮓ الفرسان لنصين .. من غير يا رافع لوا الدين

 

يا حيدر .. يا حيدر

 

خـَلنسأل مرحب وِش حَل عليه .. لمن صحت بخيبر أنا حيدر

ماله مهرب يحميه .. أرديته و ضل بدمومه معفر

 

خـَلنسأل عمرو يوم الأحزان .. تبرز له بكل همة و حماسة

معروف بعزمك يا داحي الباب .. عزمك لا ما يمكن قياسه

 

يا حيدر .. يا حيدر

 

و يا يوم توجع بيه المحراب .. و تحير من هالضربه الكتاب

يالي من وجوده الفرسان تهاب .. متصوب يا حيدر ﭼم صواب

 

يا حيدر .. يا حيدر

 

حتى الوزات بيومك ناحت .. و آساد البر بمصابك صاحت

و الدنيا بعين الحورة ماجت .. ياهو ﮔـللبه اليتحمل المصاب

 

يا حيدر .. يا حيدر

 

يا حيدر يالقرآن الناطق .. بيك انفسر آيات القرآن

يا شمس الدين و معدن وحيه ..  يا باب التقوى و روح الإيمان

 

غالوك و غالوا كل المحبين .. يا آية من الجبار الرحمان

فزت و رب الكعبة بهالضربه .. و خليت الأمة تصارع طوفان

 

يا حيدر .. يا حيدر

 

و يا ساﮔـينا من ماي الكوثر .. يا حيدر حبك أعذب سكر

تسـﮕينا الحب بكاس التقوى .. يالحبك يوم المحشر معبر

 

يا حيدر .. يا حيدر

 

يالقاسم بين الجنة و النار .. إنته الشافع في يوم المحشر

يالإسمك منقذنا من النيران .. بإسمك للجنة إحنا نتصدر

 

يا حيدر .. يا حيدر

 

يا حيدر يابو الغوث أدركنا .. إسمعها بعالي الصوت صرختنا

ماحد غيرك عند الشدايد .. يحضرنا بكل محنة و يسمعنا

 

ياذو القرنين تناديك الروح .. من يأجوج و مأجوج خلصنا

يا منقذ يونس من بطن الحوت .. إنهض يابو الحملات أدركنا

 

يا حيدر .. يا حيدر