----------------------

 

 

حائرات - الحاج أحمد الأكرف

 

محتاره بأمري شلونها حيره ..

وينك يا خليصي و صاحب الغيرة ..

 

يَمهر حسين وين حسين طايح ما تدليني ..

يَمهر شلون خليته طريح و وحدك تجيني ..

أريدك تمشي هسى وياي عند مصرعه توديني ..

يَمهر إنـﭽـان راح حسين أبـﮕـى ما إلي غيره ..

*** *** ***

 

محتاره بأمري شلونها حيره ..

وينك يا خليصي و صاحب الغيرة ..

 

أنا استنهضت خيالي و ما بيه استطاعه يـﮕوم ..

نوبه اطرد الخيالة و نوبٍ حول أخوﭺ أحوم ..

لمَن آيست منه إجيت أوصلـﭻ العلوم ..

بلـﭽـن إلـﭻ حيلة بيه يا زينب و تدبيرة ..

*** *** ***

 

محتاره بأمري شلونها حيره ..

وينك يا خليصي و صاحب الغيرة ..

 

ونينه مزع افادي و مَدري شلذي مآذيه ..

مانعني القدر يا حيف لَوصله ولا اداويه ..

ما أﮔـدر أجي يمه و أﮔـدر أنا أخليه ..

هذا الي انكتب من الباري و تقديره ..

*** *** ***

 

محتاره بأمري شلونها حيره ..

وينك يا خليصي و صاحب الغيرة ..

 

علينا الخيل هجمت ﮔـوم يَبن أمي يَبو سكينة ..

مالينا ولي غيرك يذب عنا و يحامينا ..

ﮔـوم و شوف يا مظلوم شلي صاير علينا ..

هاي اعداك يا عطشان سلبتنا يَبو الغيرة ..

*** *** ***

 

محتاره بأمري شلونها حيره ..

وينك يا خليصي و صاحب الغيرة ..

 

يَخويه المشتكى لله خيمنا بنار حرﮔـوها ..

و بالبر فرت النسوان و الأطفال سحـﮕوها ..

أنا شبيدي على العباس و إيدينه الـﮕطعوها ..

لو ان حامي الظعن موجود ما ضليت أني بحيرة ..

*** *** ***

 

محتاره بأمري شلونها حيره ..

وينك يا خليصي و صاحب الغيرة ..

 

 

----------------------

 

جسام يبني - الحاج أحمد الأكرف

 

جسام يَبني يَبني .. بعد الصار صوبني

و مصابك بلب الـﮕللب ﭼـاويني .. جسام يَبني

 

عريس يَبني و من دماك خضابك ..

مثل الأﭼفان مفصلين ثيابك ..

و بوسط ﮔـللبي ماتمك و مصابك ..

محروم يَبني من الفرح و أحبابك ..

 

هالحال فتني فتني .. يا مهجتي و أبهضني

ﮔـرح جفوني من البـﭽـى و حاميني .. جسام يَبني

*** *** ***

 

جسام يَبني يَبني .. بعد الصار صوبني

و مصابك بلب الـﮕللب ﭼـاويني .. جسام يَبني

 

يَبني عليك أصفج ندم راح براح ..

و أذكرك مَتهنيت يَبني بالأفراح ..

عني طمعت عوَدت مملي بجراح ..

صوتي عليك من البـﭽـى يَبني باح ..

 

يَبني الدهر دولبني .. من بعد عزي ذلني

باعد ياولدي بينك و ما بيني .. جسام يَبني

*** *** ***

 

جسام يَبني يَبني .. بعد الصار صوبني

و مصابك بلب الـﮕللب ﭼـاويني .. جسام يَبني

 

بردي يا يمه بماي ﮔـللبي اللهفان ..

يمه ذبل عودي يا يمه عطشان ..

لبسي علي يا يمه ثوب الأحزان ..

و ذكريني لو شفتي زفاف الشبان ..

 

يَبني حـﭽـيك أشعبني .. يا مهجتي و مرمرني

ما بيدي يَبني غير دمعة عيني .. جسام يَبني

*** *** ***

 

جسام يَبني يَبني .. بعد الصار صوبني

و مصابك بلب الـﮕللب ﭼـاويني .. جسام يَبني

 

ونتك تبطلها تلفت مني الروح ..

ما عندي يَبني دوا و أداوي الجروح ..

ما أملك الا اللطم يَبني و النوح ..

مكتوب هالجاري علينا باللوح ..

 

باودعك ودعني .. ﮔـبل إنك تفارﮔـني

ياليت يَبني ﮔـبل حينك حيني .. جسام يَبني

*** *** ***

 

جسام يَبني يَبني .. بعد الصار صوبني

و مصابك بلب الـﮕللب ﭼـاويني .. جسام يَبني

 

 

----------------------

 

من وصل ( نعي ) - عبدالله القرمزي

 

من وصل جواد حسين .. خالي يسحب عنانه

فرت للفضا عياله .. و ضجت بالبـﭽـى اطفاله

و زينب وﮔـفت حذاله .. تـﮕله يا جواد حسين وين انصرع ملفانا

 

طلعت تسحب الأذيال .. و ايديها على الهامة

تحوم و ﮔـاصده الحومة .. و ظلت خارج خيامه

وراها مهجة الزهراء .. اطلعت تتصارخ أيتامه

تـﮕل للمهر دليني .. لخويه حسين وديني

أنشدنه مخليني .. ذمة من و هاي الخيل زحفت صوب صيوانه

 

صاحت يا رسول الله .. عزيزك بالثرى معفر

يَجدي وزعوا جسمه .. و بناتك بين هالعسكر

و طبت حومة الميدان .. بين الجثث تتعفر

و شافته على الغبرة .. يحز ابن الخنى نحره

و دايس بالنعل صدره .. صاحت يا رجس فعلك يهز العرش و أركانه

 

 

----------------------

 

سامحيني - الحاج أحمد الأكرف

 

سامحيني يَزينب .. ﮔـطعوا الـﭽـفين

سامحيني السهم .. يَختي نشب بالعين

 

ﮔـوة مالي و مـﮕدرة ..

المعذرة يَمخدره ..

 

سامحيني يَزينب .. ﮔـطعوا الـﭽـفين

 

يَختي زينب رسالة إلـﭻ من عند كافلـﭻ ..

انطاني ﭼفينه هديه و ﮔـال أوصلهن إلـﭻ ..

 

يوصي عليـﭻ و يومي .. ليي بالزندين

اختي زينب وديعة .. صاح بيه حسين

 

زينب إختي مخدره ..

لا تروحي ميسره ..

 

سامحيني يَزينب .. ﮔـطعوا الـﭽـفين

*** *** ***

 

سامحيني يَزينب .. ﮔـطعوا الـﭽـفين

سامحيني السهم .. يَختي نشب بالعين

 

ﮔـوة مالي و مـﮕدرة ..

المعذرة يَمخدره ..

 

سامحيني يَزينب .. ﮔـطعوا الـﭽـفين

 

رد إلى سكينة يـﮕلها و سابـﮕه دموعه الكلام ..

عمـﭻ العباس بنتي منه احمل لـﭻ سلام ..

 

الماي مَتمكن يجيبه .. بحالته تدرين

سهمٍ و واﮔـع بعينه .. و مال إله ﭼفين

 

و جسمه ضل على الثرى ..

و حالتي متمرمره ..

 

سامحيني يَزينب .. ﮔـطعوا الـﭽـفين

*** *** ***

 

سامحيني يَزينب .. ﮔـطعوا الـﭽـفين

سامحيني السهم .. يَختي نشب بالعين

 

ﮔـوة مالي و مـﮕدرة ..

المعذرة يَمخدره ..

 

سامحيني يَزينب .. ﮔـطعوا الـﭽـفين

 

انـﮕطعن ﭼفوف الوفا و طاح اللوا يَمخدره ..

و إنكسر ظهري يَزينب يوم شفته على الثرى ..

 

جيت يَختي و لـﮕيته .. فاتح الي عين

و عين مخسوفه و طفاها .. يَختي سهم البين

 

راسه بعمود انفرى ..

و ﭼبدتي متفطره ..

 

سامحيني يَزينب .. ﮔـطعوا الـﭽـفين

*** *** ***

 

سامحيني يَزينب .. ﮔـطعوا الـﭽـفين

سامحيني السهم .. يَختي نشب بالعين

 

ﮔـوة مالي و مـﮕدرة ..

المعذرة يَمخدره ..

 

سامحيني يَزينب .. ﮔـطعوا الـﭽـفين

 

ﭼنت أناظر لك يَخويه و أشبحي يرف العلم ..

شايل على الـﭽـتف جودك ﮔـاصد تريد الخيم ..

 

يسلم الجود و مايه .. و تسلم الزندين

أدري فيك الرجولة .. يا بطل نعمين

 

العيلة كلها ناطره ..

و الـﮕللوب مسعره ..

 

سامحيني يَزينب .. ﮔـطعوا الـﭽـفين

*** *** ***

 

سامحيني يَزينب .. ﮔـطعوا الـﭽـفين

سامحيني السهم .. يَختي نشب بالعين

 

ﮔـوة مالي و مـﮕدرة ..

المعذرة يَمخدره ..

 

سامحيني يَزينب .. ﮔـطعوا الـﭽـفين

 

خويه من رحت المعارة ﮔـللب أختك ما سكن ..

يَبن ابويه الخبر عندي ﮔـبل لا يفارﮔـنا الوطن ..

 

ﮔـال ليه علي .. حيدر أبو الحسنين

يوم أشبـﭻ على .. ايدينه الأبو الاثنين

 

إنتي تمضي مأسره ..

بعد إيدينه الطاهره ..

 

سامحيني يَزينب .. ﮔـطعوا الـﭽـفين

*** *** ***

 

سامحيني يَزينب .. ﮔـطعوا الـﭽـفين

سامحيني السهم .. يَختي نشب بالعين

 

ﮔـوة مالي و مـﮕدرة ..

المعذرة يَمخدره ..

 

سامحيني يَزينب .. ﮔـطعوا الـﭽـفين

 

طاح يا خويه علمنا من طحِت عالمشرعة ..

و ظيمنا بعدك يَخويه ياهو الي يدفعه ..

 

منهو يسـﮕـي العطاشى .. بعد عينك مين

و منهو يحمي الخدر .. و مخدرات حسين

 

ﮔـلي ياهو يا ترى ..

لو تضل محيرة ..

 

سامحيني يَزينب .. ﮔـطعوا الـﭽـفين

*** *** ***

 

سامحيني يَزينب .. ﮔـطعوا الـﭽـفين

سامحيني السهم .. يَختي نشب بالعين

 

ﮔـوة مالي و مـﮕدرة ..

المعذرة يَمخدره ..

 

سامحيني يَزينب .. ﮔـطعوا الـﭽـفين

 

خلى راس البطل في حجره و هلت دمعته ..

و أخد يمسح دمع عينه و فاﮒ أخوه من غشوته ..

 

ﮔـله خويه اسمع كلامي .. ﮔـبل يجيني البين

لواك خل واحد يشيله .. ما إلي ﭼفين

 

كسر ﮔـللبه و خاطره ..

حسين شلي يصبره ..

 

سامحيني يَزينب .. ﮔـطعوا الـﭽـفين

*** *** ***

 

سامحيني يَزينب .. ﮔـطعوا الـﭽـفين

سامحيني السهم .. يَختي نشب بالعين

 

ﮔـوة مالي و مـﮕدرة ..

المعذرة يَمخدره ..

 

سامحيني يَزينب .. ﮔـطعوا الـﭽـفين

 

 

----------------------

 

ﭼم دوم ( نعي ) - عبد الله القرمزي

 

ﭼم دوم ﮔـللبي يحن ما تنـﮕطع حنته ..

و همومي ﭼنهن رواسي مو للظهر حنته ..

محنتك هاليوم ميعاد الأجل حنته ..

 

و الهضم كل ساع صورة حزن يا جاسم ..

سيف المصيبة انشهر للـﭽـبد يا جاسم ..

و ناشدتك بصوت حزني و صحت يا جاسم ..

 

يا شاب مثلك صبح دم النحر حنته ..

 

 

----------------------

 

يبن امي - الحاج أحمد الأكرف

 

أبات بخوف يَبن أمي .. و يصك الروع دلالي

تودعني و توصيني .. يا زينب د كفلي عيالي

 

ياليت الموت عاجلني .. ولا أسمع هالحـﭽـي منك

عساك تدوم الي و تسلم .. و لا أرجع للوطن عنك

ﮔـلفه هوايه يَبن أمي .. عليه اي و حـﮓ أمك

 

لاوين أنطي الوجه ﮔـلي ..

يَحال المر يا حالي ..

*** *** ***

 

أبات بخوف يَبن أمي .. و يصك الروع دلالي

تودعني و توصيني .. يا زينب د كفلي عيالي

 

أني من صغري يا خويه .. رُبيت بعزة و هيبة

و آني الي بظل علي الكرار .. معروفه بأرض طيبة

و آني الي الزهراء ربتني .. بحجاب الصون و تهذيبه

 

أني الي بخدري موصوفه ..

يا خويه بأول و تالي ..

*** *** ***

 

أبات بخوف يَبن أمي .. و يصك الروع دلالي

تودعني و توصيني .. يا زينب د كفلي عيالي

 

تجيلي الحِمل يا خويه .. عليه شلون أتحمل

و ﭼيف يصير مكفوله .. حرم و أطفالي تتكفل

يابو سكينة الشمل بعدك .. تبدد آه و تفلل

 

بذل أبـﮕـى بعد عينك ..

يا عزي و خيرة رجالي ..

*** *** ***

 

أبات بخوف يَبن أمي .. و يصك الروع دلالي

تودعني و توصيني .. يا زينب د كفلي عيالي

 

و بطلي النوح يا زينب.. نياحـﭻ ما تعودته

دمع عينـﭻ و نحباتـﭻ .. تذوب الـﮕللب و تفِته

يا اختي الأخو ﮔـبلل الموت .. لازم يوصي على إخته

 

و أنا هالموت يواعدني ..

و لا عندي إلـﭻ والي ..

*** *** ***

 

أبات بخوف يَبن أمي .. و يصك الروع دلالي

تودعني و توصيني .. يا زينب د كفلي عيالي

 

أنا عندي الذي تعهد .. و دَﮒ بيده على صدره

و ﮔـلي بذمتي يَختي .. بحمايه يَبنت الزهراء

صدِﮒ ﮔـال و فعل عباس .. يا خويه بطيلة السفرة

 

يهَون مصيبتي عليه ..

من اشوفه واﮔـف قبالي ..

*** *** ***

 

أبات بخوف يَبن أمي .. و يصك الروع دلالي

تودعني و توصيني .. يا زينب د كفلي عيالي

 

أنا ماﮔـول يرد بيه .. وطن جدي و على باروح

لَضل وياك يَبن أمي .. لَوِن مني تروح الروح

لـَسكـت الطفل من يبـﭽـي .. لـَسلي النسوة من تنوح

 

لَكفكف دمعي بكمي ..

لَو إن الحزن في بالي ..

*** *** ***

 

أبات بخوف يَبن أمي .. و يصك الروع دلالي

تودعني و توصيني .. يا زينب د كفلي عيالي

 

 

----------------------

 

يا ساعة دنياني ( نعي ) - عبدالله القرمزي

 

يا ساعة دنياي .. من غيم النوايب تصيح

و عضاي يا يوم .. من علة زماني تصيح

ما أنسى يوم الإجت .. زينب لخوها تصيح

 

و تنادي يا ريت .. ميعاد المنايا يحين

عالطفل يَحسين .. لَتظن ﮔـللب خصمك يحن

عبدالله من العطش .. يابس لسانه يحن

 

و لا ﮔـطرة من ماي .. عندنا بالمخيم تصيح

 

 

----------------------

 

أبو فاضل - الحاج أحمد الأكرف

 

عوَد جواد الوالي .. عوَد جواد الوالي

ﮔـومي يا زينب ﮔـومي .. عوَد جواد الوالي

 

طلعت بدهشة زينب .. كل الحرم وياها

نظرت و لن تشوفه .. و تسمع صهيله جاها

يحمحم كأنه يـﮕلها .. بحرﮔـة ﮔـللب ناداها

 

نوحي إنتي على الوالي ..

و آنا على خيَالي ..

*** *** ***

 

عوَد جواد الوالي .. عوَد جواد الوالي

ﮔـومي يا زينب ﮔـومي .. عوَد جواد الوالي

 

صاحت يا مهر الوالي .. خويه وﮔـع في وينه

و حي تركته ﮔـللي .. لو غمضت له عينه

ﮔـلها وﮔـع عن ظهري .. مصيوب يجر ونينه

 

سهمِ وﮔـع في ﮔـللبه ..

و رديت منه خالي ..

*** *** ***

 

عوَد جواد الوالي .. عوَد جواد الوالي

ﮔـومي يا زينب ﮔـومي .. عوَد جواد الوالي

 

نادت نزعت افادي .. يا مهر غير ﮔـُولك

بعيد البلى لا تفاول .. يا مهر د انظر حولك

ايتام و حريم بدهشه .. لما سمعو طلعوا لك

 

تتصارخ و مرعوبه ..

عوَد جواد الوالي ..

*** *** ***

 

عوَد جواد الوالي .. عوَد جواد الوالي

ﮔـومي يا زينب ﮔـومي .. عوَد جواد الوالي

 

إنـﭽـان مَنتي مصدﮔـه .. ﮔـومي تعالي و شوفي

للحومه امشي ويايه .. و إنتي لخوﭺ تشوفي

محتاطتنه الأعداء .. من شامي و من كوفي

 

صلي يا وسفه سيوفهم ..

يا زينب على الوالي ..

*** *** ***

 

عوَد جواد الوالي .. عوَد جواد الوالي

ﮔـومي يا زينب ﮔـومي .. عوَد جواد الوالي

 

وﮔـفت على التل زينب .. تهل الدمع و تنادي

وينك ياخويه وينك .. يا ثمر ﮔـللب الهادي

وصلت و لن وناته .. تجاوبها ذاب افادي

 

مَـﮕدر أنا اسمع صوتـﭻ ..

يزداد يَختي حالي ..

*** *** ***

 

عوَد جواد الوالي .. عوَد جواد الوالي

ﮔـومي يا زينب ﮔـومي .. عوَد جواد الوالي

 

ﮔـللبي مَهو مطاوعني .. و إنته بهاي الحالة

باجيك أنا يا خويه .. لـَتدوسني الخيالة

خويه ونينك فتني .. و امرد يا خويه حشايه

 

يَبن أمي ضاعت زينب ..

بعدك و لا لها والي ..

*** *** ***

 

عوَد جواد الوالي .. عوَد جواد الوالي

ﮔـومي يا زينب ﮔـومي .. عوَد جواد الوالي

 

 

----------------------

 

ألم زينب - الحاج أحمد الأكرف

 

على درعان الشهيد .. جاني يا يمه السهم

رفرفت يا يمه روحي رفرفت ..

و عيني من عظم الحرارة دورت ..

على درعان الشهيد .. جاني يا يمه السهم

 

ﭼِنت أعاني العطش و أترﮔـب الماي ..

يابس لساني يا يمه من ضماي ..

لن جاني السهم و أرواني بدماي ..

 

شـَﮓ يا يمه الوريد .. آه يا منه السهم

ما رعت هالـﮕوم يمه ما رعت ..

بصغر سني لذبحي يمه سارعت ..

على درعان الشهيد .. جاني يا يمه السهم

*** *** ***

 

على درعان الشهيد .. جاني يا يمه السهم

رفرفت يا يمه روحي رفرفت ..

و عيني من عظم الحرارة دورت ..

على درعان الشهيد .. جاني يا يمه السهم

 

هاي جواب الـﮕوم جابه حرملة ..

ﮔـال يكفي و آنا احل المشكلة ..

بكبد ﮔـاسى السهم ليه أرسله ..

 

ﮔـاسي ﮔـللبك الحديد .. إعتاد يمه عالجرم

ركزت عينه برﮔـبتي ركزت ..

و ما خطت ايده يا يمه ما خطت ..

على درعان الشهيد .. جاني يا يمه السهم

*** *** ***

 

على درعان الشهيد .. جاني يا يمه السهم

رفرفت يا يمه روحي رفرفت ..

و عيني من عظم الحرارة دورت ..