-----------------------------

 

عذريني .. عذريني ..

ﮔـطعو العدا ﭽـفيني ..

طاح اللواء يا زينب ..
و السهم صوب عيني ..

تعرفيني ياختي زينب .. عندﭺ علم و دراية
عن محملـﭻ ما اغفل .. فيدي ترف الراية

ﮔـلبي بطوعـﭻ و امرﭺ .. و عيوني لـﭻ و حشاية
ما دام راسي سالم .. و ايدني لـﭻ حماية

تناديني .. تناديني ..
ﮔـدامـﭻ تشوفيني ..

عند الطلب يا زينب ..
ﮔـدامـﭻ تشوفيني ..
*** *** ***

عذريني .. عذريني ..

ﮔـطعو العدا ﭽـفيني ..

طاح اللواء يا زينب ..
و السهم صوب عيني ..

وصاني بويه حيدر .. وصيته متعهد
عباس ﮔـلي عينك .. عن هالوديعه لا تصد

من يوم ما وصاني .. بالعهد انا متفرد
لو عمري تطلبينه .. افديـﭻ عمري و ما رد

توفيني .. توفيني ..
عباس يا ضي عيني ..

يبني تكفل زينب ..
لمن تغمض عيني ..
*** *** ***

عذريني .. عذريني ..

ﮔـطعو العدا ﭽـفيني ..

طاح اللواء يا زينب ..
و السهم صوب عيني ..

انتي أمانة عندي .. من طلعتـﭻ ويايه
ﮔـومي تعالي و شوفي .. جسمي بالمسنايه

غصباً علي يا زينب .. يَختي مَهو برضايه
غصباً تردي بدوني .. لا تعتبين كفايه

ذكريني ..
عند المِحن ذِكريني ..

و ارجو السماء حامنـﭻ ..
و مسامحه عذريني ..
*** *** ***

عذريني .. عذريني ..

ﮔـطعو العدا ﭽـفيني ..

طاح اللواء يا زينب ..
و السهم صوب عيني ..

يَختي انا وشبيدي .. مكتوب هذا ليه
تصيرين يختي بشده .. بعد الخدر مسبيه

اشلون احمي خدرﭺ .. و مـﮕـطعات ايديه
عين اللي انظرﭺ بيها .. يختي بسهم مطفيه

تنظريني .. تنظريني ..
لو تـﮕـدري توصليني ..

سابح بدمي يختي ..
ماظنـﭻ تعرفيني ..
*** *** ***

عذريني .. عذريني ..

ﮔـطعو العدا ﭽـفيني ..

طاح اللواء يا زينب ..
و السهم صوب عيني ..

 

 

---------------------------