هم وآلام سفرة الشام
ليلة 20 صفر 1427هـ _ 2006م
موكب عزاء النعيم
للرادودين : جعفر سهوان وعلي حمادي
مساهمة من : عاشق آل سهوان
****************************************
يالتركتوني غريبه اجرع آلام المصيبه
هم وآلام سفرة الشام
***************************************
فوق الرمح ... بدمه خضيب يتلوا الكتاب ... راس الغريب
قبل السرى ... ولنه ابنحيب برمح ارتكز ... حالـه عجيب
وارتابت ابحاله العدى وتحيرت بكل حيره رادت ترفعه بس مقدرت
ونادت بزين الـعابدين يمه اجت الراس يــــــون وبالثرى رمحه ثبت
نادى ابحزن ... يم المــــحن شوفي الحرم ... وخواني وين
لنها تــــــون ... ضاعت لنه طـــفله هوت ... بنت الحسين
فرت تدور بالفلا ابمــــدمع همول مدت بصرها مألــــــمه لنها ابذهول
شافت وسط ذاك الفلا امها البتول تحمل الطفله الضايعه بنت الرسول
*****+++++*****
من مشيتوا بالضعن للغاضريه آني وياكم مشـــيت يا الهاشميه
احمل وياج الحـــــمل والرزيه ابها الدرب ما فارقت هالسريه
مكسره ضلوعي ... وتنهمر دموعي ... آه ... بس اعاين راس لحسين
منفطر جبـــــينه ... واستمــــع ونينه ... آه ... الطم الهـــــــامه باليدين
*****+++++*****
ياحسين """"" يبني جيتك وآنــي ساتر ما عليه
ياحسين """"" الشمر جز نحرك ونحري سويه
من شفت نحرك يـــــــا عزيزي هبره
وبجنبك آني طـــــــــحت يبني بالثرى
وضلوعي مثل اضلوعك انته مكسره
طفلك الصابه الســــــهم خرق منحره
بجاني طفلي ويـــــاي يصعب منظره
تالي مشيت ويا الـــــــــضعينه ميسره
****************************************
يالتركتوني غريبه اجرع آلام المصيبه
هم وآلام سفرة الشام
***************************************
دارت تبـ ... ـثُ شجوها والقلبُ بالـ ... ـهـــمِ طعين
نادي بأي ... وجــــــــهةٍ قبرُ امــــيـ ... ـر المؤمنين
دارت فأبكت زينبٌ اهلُ السماء واعولت من صـــوتها كلُ النساء
انحلني يا والدي ركــــبُ السباء قد عدتُ من بعد السراء لكربلاء
عدتُ ومأ ... ساتُ الطفوف قد قرحت ... للمـــــــدمعِ
هذا المسيـ ... ـرُ يــــــــا ابي هــــدا قوا ... م الاضلعي
يا والدي ركبُ الســباء اتعبني هل يا ابي في رجعتي تتركني
ركبُ السباء عاد معي بالمحنِ صدعني المـــسيرُ آه صدعني
*****+++++*****
جأت استـــوقدُ نار الحنينِ انصبُ المأتم في الاربعينِ
واصبُ الدمع عند الحُسينِ و أُروي رأســــــهُ بالانينِ
عدتُ بالرزايا ... امتطي المطايا ... آه ... سفــــــــــرتي همٌ وآلام
عدتُ بالحـنينِ ... لثرى الحـُسينِ ... آه ... عدتُ من خرائب الشام
*****+++++*****
ياحُسين """"" عرج الركب الى قبر الحُسينِ
ياحسين """"" وادفنوني آهِ بيـــــــن الضفتينِ
قد متُ قبل الموت يــوم العاشرِ
ملهبةٌ احداثُها فـــــــــي ناضري
والنحرُ مقطوعٌ بـــــــــحدِ الباترِ
والجسمُ مرضوضٌ بذاك الحافرِ
وخيلهُ اذ جـــــــــاء دون الطاهرِ
كتبتُ بالويلاتِ حــــــظي العافرِ
****************************************
يالتركتوني غريبه اجرع آلام المصيبه
هم وآلام سفرة الشام
***************************************
ياكربله ياكربله ... ياكربله ياكربله
يم الحزن ... طول الزمن يم البلا ... ياكربله
يلي حضيتي بالشــرف دم الغريب وبرمضتج يلي انصهر خده التريب
شمامة الهادي النبي بشيبه حضيب عطشان مهجة فاطمه بقلبه صويب
ياكربله ياكربله ... ياكربله ياكربله
حزتي الفخر ... طول الدهر وامنزله ... ياكربله
يلي على اترابـــــــــك نزف دمه النجيع واوداجه كلها امهبره ونحره قطيع
وميت على صدره وسفه طفله الرضيع سهم ابوريده مصـوبه حاله فضيع
*****+++++*****
وادري ما يخفى الامر ياغاضريه كسروا اضلاع الولي بالاعوجيه
وضل جديل ويعــــــــتفر بالوطيه ما يراعوا حـــــــــــــالته آل اميه
تبقى بالمــــــسامع ... كسرة الاضالع ... آه ... يا مصاب الغاضريه
بكل صدر مواجع ... تهمل المـــدامع ... آه ... ما نسينا هـــــالرزيه
*****+++++*****
يا حسين """"" مثل صدرك كسروا صدور المحبين
يا حسين """"" وانته وسط اقــــلوبنه من غير تكفين
وشلون ننسى الـــــفاجعه يا كربله
واجسادنا فـــــــوق الوطيه امجدله
وبصدورنا اتدوس الخيول الجائله
وقلوبنا يفتها بســـــــــهامه حرمله
وشلون ننسى وانصـــــــاره وهله
يــــــاكربله يـــــاكربله يـــــاكربله
****************************************
يالتركتوني غريبه اجرع آلام المصيبه
هم وآلام سفرة الشام
***************************************
نوره يــشع ... بين السحاب جنه البــــدر ... راس الحسين
يتلوا السور ... راعـي الغير ومن منحره ... عالي الــونين
خجلانه من نوره الشمس عالي ابسماه حتى السحاب يضلله وينهل سناه
وبنزفه آيات وســــــــور تجري ابدماه ينظر اطفالـــه ابوجنته مايل مداه
بس عاينه ... الراهب بجه يم شـــايله ... ابدمــعه دنا
يتوســـــله ... بـــــس نزله يمي يضل ... واحفظه انا
من شفته اقليبي انفطر ودمـعي همول هالراس منهو صــــاحبه يالحادي قول
جاوب الحادي والخبر صعب ومهول راس الحسين ابن الوصي وابن البتول
*****+++++*****
خر عليه ابحسرته وينتحب آه ذوبتني مصيــبتك واذبيحاه
يا حبيب المصطفى واغريـباه واحسينٍ واحسين واحسيناه
من خسف جمالك ... وبالاسنه شالك ... آه ... وبالدما خضب مشيبك
هامتك صـــــويبه ... وحالتك عجيبه ... آه ... ذوب افــــــادي نحيبك
*****+++++*****
ياحسين """"" ابذبحتك ماراعوا الباري ونبيه
ياحسين """"" ياحبيب المصطفى خير البريه
راسك على العسال وجسمك منجدل
حسره وحريمـك تنتحب فوق الهزل
وايتام بين الــــروح جم طفله وطفل
اطفال ماتقـــــــوى على الهم والثكل
وينك تعاينهـــــــــــــم ودمعاتك تهل
واختك من المحـــــنه جسمها منتحل
****************************************
يالتركتوني غريبه اجرع آلام المصيبه
هم وآلام سفرة الشام
***************************************
قلبي امتــحن ... من هالمـحن ماليــــه دار ... ولا وطـن
مجروحه من ... جور الزمن ودمعي على ... خدي هتن
متعوده انــــــــــــــظر رايتك ياكافلي جدام لضـــعون وترفها يالولي
وكل ساعه تنزل لي وتصد المحملي وتقل لي يالحورا أمري ودللي
واليوم اشوف ... راســك على رمح الـــعدى ... صار العلم
وكل ليـــل يلـ ... ـفي لي زجر بسوط الهضم ... آه يالشــهم
بس انظر وعيني تهل دمع ودمه وبصدري اكتم حسرتي متألمه
وينك يسور العايله وحامي الحما زينب يخوا زينب ترى متألمه
*****+++++*****
ترضى يضربني زجر ياكفيلي بسوطه ورمني واون آه يويلي
وانته تسمع ونتي وما تجي لي يا صبر بس يا صبر هد دليلي
اندبك يروحي ... دستمع لنوحي ... آه ... ضيعتني شلون ضيعه
من بعد دلالي ... بــعزتك يغالي ... آه ... ضيعتني شلون ضيعه
*****+++++*****
بو الفضل """"" فتـــــح اعيونك يخويه وصد اليه
بو الفضل """"" جاوب اختك يلي فوق السمهريه
خويه بقيت محــــيره ابهالعايله
وضلت حرم وايتام كلها معوله
تلطم صدرها والمـــدامع هامله
حسره يروعها بسياطه حرمله
والله بليتوني يخـــــويه ابكربله
وشقد حمل جـايد بعدكم احمله
****************************************
يالتركتوني غريبه اجرع آلام المصيبه
هم وآلام سفرة الشام
***************************************
فوق الرمح ... يالتحــمله سكنه ابألم ... تنــــظر اله
هونــك ترا ... هي مدللا ماتقدر ابـ ... ـضيم الملا
يا شايل ابسن الرمــــح نور البدر بالله انشــــــــدك لاتجي يمها وتمر
تدري ابقلبها المنشطر ما يصطبر خوفي تموت امن الوجد لو تنفطر
راس الابوا ... هالمنفصل لاترفعــــــــــه ... بعين الطفل
قلب اليـــتم ... ما يحتـــمل سكنه العزيزه ... تنــــــــتحل
ارحم دموع الفــــــــاقده ولاتشهره مايكفي فوق الهازله وميسره
لتلاحظ اصواب الحجر من تنظره وجــناته هالي بالدمه متغيره
*****+++++*****
ولنه سكنه اتــحيرت بالمصيبه صدت الراس الابوا تلتجي به
ولو اليها ضل يصد مو عجيبه هذا روح المصطفى والنجيبه
نادت ابألــــمها ... تشتكي هضمها ... آه ... يلي فوق السمهريه
فدوه لك يغالي ... معــزتي ودلالي ... آه ... بس ترد يابويه ليه
*****+++++*****
ياحسين """"" منظرك نسى القـــلب كل البليه
ياحسين """"" هالحرم تفداك ولو ضلت سبيه
يالجسمه ضل عاري على حر الثرى
وضلوعه ويلـــــــي بالعوادي مكسره
يالراسه اقـــــــــــــبالي ذبحني منظره
والله على جــــــــبينه وقلبه وخنصره
مدري على الـــــــــكرار عنه مادرى
لو ما سمع عن ذبـــــحته خير الورى
****************************************
يالتركتوني غريبه اجرع آلام المصيبه
هم وآلام سفرة الشام
***************************************