يوليدي أُمَّك آنيِ الزهرا واناديك
منِّي خَذاك الموت يالغالي واعاديك
قللي تراهو وين ياضَيْ عيني واديك
فاديك دمِّي اومهجتي واقليبي فاديك

يُمَّه الحبيبه اسم الله عالطلعه البهيَّه
إبنج قضى في كربلا فوق الوطيَّه
ذبحوه ظامي اوماشرب قطرة اميَّه
والراس منَّه علَّقوها أبسمهريَّه

يوليدي أدري بالجرى لك يوم عاشر
يوم اللي في الحومه بقيت ابليَّا ناصر
مفرود مابين العدى او جيش اوعساكر
مكسور ظهرك والجفن للخيمه ناظر

يُمَّه بلا تكفين خلُّوني اوجفوني
مرمي على حرِّ الثرى او ماغسَّلوني
بس للنَّهِب يوم القتل لعدى لفوني
لا اظلال ليَّه في البراري سيَّبوني

تكسر الخاطر ياحبيبي اوتلهِبِ الرُّوح
ما أستطيع اتخيَّلك عالرمضا مطروح
والأعوجيَّه تغدي عالأضلاع واتروح
والراس منَّك فوق سن العاسل ايلوح

يُمَّه تركتوني ابفيافي اوماحد اوْياي
آنا العزيز او تنخضب شيباتي بدماي
وين الأبو او وين الأخو مايوصلوا احذاي
وينج تغمضي عالرمح للموت عيناي