مساهمة من : الخادم الصغير
*************************
ويلي على المظلوم واحزني على احسين
الزهرا تنظر حالــــته والدمعه في العين
وصْلت تعاين من قــبل مـيفــــرِّق البين
وايطيح متعفــــــــر علـــى حــرِّ الوطيَّه
شافت ولـــــــدها لانصـــير اولا مُساعِدْ
ماعنده من أنصاره ظل في الحومه واحِدْ
الله شنهـــوالزهرا تنظـــر من مشـــاهِدْ
يالله نشوف اشحـــــل على روح الزجـيَّه
جـنـَّه يقلــها يالبتـــولـــه اتبصـــــريني
قبل الذي يجــــري عــــليه اوودعيني
تـــذكار هذا يمـــه مابينـــك اوبيــــني
إتـــزودي منـــي قبـــل حيــــن المنيه
في كل مكان ايـروح فاطــــم تمشي وياه
واتشوف شاللي حل علــى قلبه من اعداه
في وحدته اوفي محنــته والحـــيره والآه
في وقفته حسره اعلى مصرع كل ضحيه
راحت انصاره اعلى الترب واتعنَّى محتار
للحومه بواليمه اوفـــي قلبه امن الظما نار
يخطــــب..يآل اميَّه وش ليـــكم من اعذار
يـــوم القيـــــــــــامه للنــــبي خير البريه
اينـــادي ابجـــمِعْهُم ياخلُق يا آل سفيان
ليـــش الــــــعداوه وآنا بن سيِّد الاكوان
موجــــدِّي هــــاديكم بعَد ظلمه اونيران
مِــــــن للنبي ســــبط ابــنظركم يا أميَّه
إسقوني قطرة ماي والله افـَّادي محروق
لفرات يجري اومنه تشرب كلِّ لعروق
جاه ِ النِّدا منهم أبد هــــــالمــاي متذوق
يحسين ابَد ماتـــــرتوي ابقطــــرة اميَّه
قلهم على ما ابهـــــا المكان اتحاربوني
عنِّي اســألوا أصحاب جدِّي وانسبوني
مـَيحقِّ اليكم تقتـــــلوني اوتـذبـــحوني
شالعذُر مــن رب السمــا اوطه نـــبيه
جاهِ الجواب امن العدى بــرماح واسهام
اوعوَّ د الى اخيامه يشيل اجــــراح وآلام
يصرخ يزينب جيبي لي النـــسوه وليتام
بـــوداعة الله يختـــــــــي رايـــح للمنيه
طبِّ الحريبه اوحاطته الأعـــــدا اللعينه
اوجاه الحجر من ظالـــم ِ ابغـــرَّةْ جبينه
ظل يمسحِ ادمومه او رفَع ثـــوبه ابيمنه
لحظه اووقع فــــي لبـَّته امثــــــلـَّث أميَّه
خر عالترُب دامي اوحِصانه راح ِ لخيام
اينادي الظليمه يــــاحرم يانســــوه وايتام
قوموا لواليكم قبل تلفــــي لـــــه ظــــــلام
لا تنحر اوداجـــه أوهو فــــوق الوطـــــيَّه
راحوا لعِـــــدْ جسمه أوشــــافوه ابترايب
ماتنحصي اجراحاته وادمومه سجــايب
أهووا عليـــــه ابلهـــفه يانسل الأطايب
إنهض إلينا يالحمى او بــــــاقي البقيَّه
جاله الشمُر صاعد ابنعله فوق صدره
ماسك الشيبه الطاهره اويقطعْ في نحره
حزْ راسه والحورا اويتاماهــــا تنِظـْره
واتعلَّى راســـه فـــــوق سن السمهريَّه
هاللي جرى والزهرا تنظر له اوتجي له
اللي ابحضنها كانت اتضـــــمَّه اوتِشيله
صاير على حر الثــــــرى جثـَّه جـديله
يحسـين آني امَّك يـــــروحــي ردْ عليه
وصْلت إله اوضمَّت جسَد دامي بلا راس
لاهب حشاها والقلب مفـــــري ولحساس
يحسين شنهو اللي جرى لك دون هالناس
معفور واتدوسك خيــــــــول الأعوجيَّه
مذبوح يبني اوبالخيم تهجـــم أعاديك
نسوه اويتامــــى ذاهله يـــبــني تناديك
واطفال تحت الخيل مسحوقه اوتلاقيك
بالموت واتنادي افجعَــــتنا الغاضريَّه
لانصب عليك ابقلبي ماتم وانحب اعليك
اولو تطلب الناصر أقول ابدمِّي لبيـــك
روحي اوحياتي والعمُر يحسين أفديك
وآنوح يـــــبني كل صباح اوكــل مسيَّه