واعلى الوعد يا كربله
ليلة 3 محرم 1424 هـ - مدينة بودي
للشاعر : نادر التتان
الرادود : جعفر
الدرازي
مساهمة من : مجيد البربوري
واعلى الوعد يا كربله يم المصايب والبله
بدموع وآلام وحزن ردينه والصوت اعتله
يا حسين يا حسين ما ننساك يا مذبوح يا عزيز الزهره بالأرواح نفديك
إن تنكروني فأنا نجل الحسن سبط النبي المصطفى والمؤتمن
هذا حسين كالأسير المرتهن بين أناس لا سقوا صوب المزن
ردينه وبجمر الضلع نعلق يبو سكنه الدمع
وانزف شباب الما كمل عشرين عمره ومنصرع
أسف ابن الزاكي عريس واتزفه حرايم
ما ظنتي يا بوعلي ترضى بني هاشم
ترى ساعه وتالي يصير فوق الثرى نايم
ورمله المحزونه تصيح آه يبني يجاسم
ما شفنه فرحه بأي زمن وغربتنه حفت كل وطن
مر الدهر ما نهتني نذكر مصاب ابن الحسن
يا حسين يا حسين ما ننساك يا مذبوح يا عزيز الزهره بالأرواح نفديك
أنا علي بن الحسين بن علي نحن وبيت الله أولى بالنبي
أضربكم بالسيف أحمي عن أبي ضرب غلام هاشمي علوي
يا بوعلي عفنه العمر نفديك وكلنا نعتفر
ولا ينخسف عمر الولد لكبر علي ضي البدر
ولا عينك لحظه تشوف أوصاله دميه
سابح بجروحه قضى والمهجه ظميه
صدى ليلى تنادي علي آه يبني رميه
بفراقك نوح وألم معظمها رزيه
ما ننسى دمعك منهمر تبجي الشباب المنطبر
وصرختنه تبقى للحشر بهاي الفجيعه من تمر
يا حسين يا حسين ما ننساك يا مذبوح يا عزيز الزهره بالأرواح نفديك
إني انا العباس أغدو بالسقى ولا أخاف الموت يوم الملتقى
نفسي لإبن المصطفى الطهر وقى حتى أوارى في المصاليت لقى
نتعنى صوب المشرعه نقصد أخوك ومصرعه
مرمي اعلى شاطي العلقمي ومنه الجفوف مقطعه
سطى وسط عيونه سهم والهامه خضيبه
وعلى عينه دمه جمد والحاله عصيبه
مثل الطير المجروح جنحانه صويبه
ترك الحوره بحسره وخلاها غريبه
ما ننسى طيحة بو الفضل يم الشريعه منجدل
كل ما ذكرنه اللي جرى صرختنه بالمحنه تظل
يا حسين يا حسين ما ننساك يا مذبوح يا عزيز الزهره بالأرواح نفديك
أنا الحسين بن علي آليت أن لا أنثني
أحمي عيالات أبي أمضي على دين النبي
ونذكر مصابك والشمر بنعاله داس اعلى الصدر
هز الأرض ويه السمه من قطع أوداج النحر
سهم القلب اللي جرح بصوابه مشاعر
يحبيب الهادي بقيت في كربله عافر
لفى مهرك خالي يحن زينب يحراير
ترى خر حسين وعليه تتخطى حوافر
وانفجعت أملاك السمه والدنيا صارت مظلمه
وارتفعت أصوات الخلق كلها تعزي فاطمه
يا حسين يا حسين ما ننساك يا مذبوح يا عزيز الزهره بالأرواح نفديك