طه النبي وسط القبُر هذي المِسيَّه
وابداره أهله بالأسى نصبوا عــزيَّه

أحزان واشجـــان اوتعابــير اوملامح
في مقصد التنزيل تتبعـــها صــــوايح
وايتام تتلوَّى علــى العـــزِّ اللي رايح
واتصيح بالحسره انطفى اسراج البريَّه

فاطم حزينه أقبــــــلت تتفقـَّد احسين
شافت ولدها اومدمعه بخدوده نهرين
واعلى حجـــرها خلـَّته وانهلَّت العين
لااتفطَـِّر اقليــبي تعِـــز يبــــني عليَّه

جدَّك تركنا يالـــولد بـيــن الرزايه
ماعدنا إلا المحنه واركوب البلايه
دار المعزَّه موحشه اوهذي البدايه
والقـــادم اصعب ياغريب الغاضريه

جدَّك يقـول انـَّـك تصــير ابغربه واتروح
نهبِ السيوف اوتنجدل عالغبرا مجروح
والراس في رمح العدى يوليدي مذبوح
واتدوسك ابحافرها خيل الأعوجيَّه

يامِّ الحسن أدري ابمصايبنا اوبلانا
لكن فراق الهادي فطَّـــرنا اودهانا
ذوَّب حشانا اوفارق الدار اوجفانا
مَنشوف بعده يامِّي هالطله البهيَّه

يايُمَّه أدري يكسروا ضلعج ورا الباب
وادري يمحزونه ابمصيبة داحي الباب
والحسن بسموم الأعادي جبده ينصاب
وادري أنا المقتول والحورا سبيَّه

قالت يعقــلي أدري هالمحنــه شديده
لكـــن أنــا بعـــــد الأبـــو أوَّل فقيده
وانته تظل واتقاسي لهمـــوم العديده
ماتلقى في هذا العمـــر لحظه هنيَّه