يالغاضرية هونج علية هونج علية يالغاضرية
الرادود : علي عيسى حماده
للشاعر علي جمعة / ثالث محرم
مساهمة من : نور الحسين
يالغاضرية هونج علية هونج علية يالغاضرية
لرضج نزلنه والــــعمر... يـذبل وي ليّام
وحـــــسين ابطفج صبح... مرمي بلرغام
يـاغاضــريــه والجــرى... بلكبر اوجسّام
وعين اليتامه الســــاهره... ياحسره متنام
اثر الرزيّه تنبع رزيّه تنبع رزيّه بأثر الرزيّه
خل نحجي ياطف بالجرى ودمـــعي اصبه
ادري ابها وقعه جـــــــايده ومصيـبه صعبه
من يحتمــل فــكــــد الاهل فـــــكد الاحـــبه
قلبــــــي رميته ابطـــــفّج وروحــي ابغربه
ذقت المنيّه وبلا حميّه وبلا حميه ذقت المنيه
ياطف انــــي زينب واظن ان تعرفيني
مـــــن مـــــرارات الــيتـم اتـــضيفيني
ساعه وحـــــده ماغفـــت عالبلوه عيني
خلّي الاحــــبه اتدور يمــي لاتحرميني
اشكي لبويه حرمه وسبيه حرمه وسبيه اشكي لبويه
آني من دار الوحي ياطف واخبرج
شنهو ياطــف باجر اتقدمينه عذرج
أيتام فزعــت والحــــرم مسبيه منّج
الجرى يــــاغاضـريه صار برضج
نصبي العزيه ابونّه لظيّه ابونة لظيه نصبي العزيه
الرسول ابهــــــيبته ينسب لي جدي
شلـــــون بينه هالمآسي بعـــده تدّي
القلب نار وحراره وشـــــكوه عندي
شكوتي لله ورسوله وســــال وجدي
ابدمعه جريّه بونه عليّه بونه عليه ودمعه جريه