يالتسمع مصاب حسين
مهدي سهوان
مأتم السنابس - ليلة 2 محرم 1428 هـ
من إصدار واحسيناه

مساهمة من : el7azeen

~~~~~

دخيلك بالله سمعني في حق حسين جم بيت
حن وبستمع وآنوح ترى لدمع الحزن حنيت

افتح مهجة القرآن واقرأ سورة أم حسين
واجعل دمعتك ترتيل وصوت البسملة الونين
واختم ليلة العاشر واقرأ الفاتحة للديـن
الحسين اوهب الدمعة إذا جنت الدمع صبيت

لازم تتلف الأرواح لأجل الظامي المعفور
ترى الطفوف مولاتك كئيبة وسيدك عاشور
حتى هلاله حاني الراس وظهره منحني ومكسور
وانت تعرف الأسباب وعنها جواب ما رديت

اذكر طيحة المظلوم وخده موسد بالتراب
مثل أمه الضلع مكسور هو بالخيل وهي بالباب
وفاطم يوم حرق الدار وزينب في حرق الأطناب
جيبي لكعبة الأحزان أنا معذور لو شقيت

فصل لي خبر سكنة وقفت ترقب السقاي
تصيح من العطش يابه بموت على قطرة ماي
وينه عمي العباس  وعدني ولا هو جاي
خلوا كافلي يجيني وبشوفه وراح أكون رويت

يالتسمع مصاب حسين بصور لك المشهد
تخيل كتاب الله وعرشه على الثرى ممدد
وقلب الكعبة لو شفته بسهم المثلث مسدد
رفع ذاك الرجس ايده وصك بالحجر راس البيت

الكعبة ابرهة جاها ولا انهدمت في عام الفيل
وقلب المصطفى المختار داسوا كعبته بالخيل
زينب ما تشوف نهار تشوف بعين بس ليل
على ذباح اخوها تصيح يا ذابح خويه وشسويت

وادي نينوى بطريه واخلع عن ثراه نعال
ترى بهذي الأرض يصعد شمر فوق الصدر بنعال
وتشوف الشمر بسيفه عجب راس العلية طال
وتشوف هلاله وتحاجيه يا هلال الحزن رديت

في عين الكون محرم هالليلة بين هلاله
وبان حسين عالرمضى يدوسه الشمر بنعاله
وريده حزه بسيفه وراسه على الرمح شاله
تمنيت الصدر صدري وراسه راسي تمنيت