عفتوني يالأثنين
للرادود جعفر الدرازي
إصدار على العهد 

مساهمة من : حسين البوري

 

 عفتوني يالأثنين             ياعباس يحسين

 

ياللي غوالي الدنيا بوجوده جمـــيله
لااشتكي لوعه ولا دمعي اســــــيله
والحين صارت روحي من فگدك علـيله
ضـيع شــملنه يالاخـــوفرگــنه الــبيــن

عباس ابو فاضل على المسنات مطروح
جنـب الـشريـعة معــتفر جــثه بــلا روح
گلــبي بــعدد طــبراتة مــتشعب بلجروح
واني عليه محيره واصفچ بالايدين

غابو ليه بدرين    ياعباس يحسين

 

عفتوني يالأثنين             ياعباس يحسين

 

ياخوتي مو هذا الوعد لاتــفرهدوني
جبتوني من ارض المدينة وتتركوني
لــــمدللة انــي وأعاديـــكم ولـــونــي
واشلون يضيعني زماني وعندي نجمين

لبــچي عليكم من بــدال الدمــع بالــدم
وبحــالي من هاي المصيبة الله يعـــلم
يعــني شــملنه المجــتمع راح ومايلتم
بعد الـــمعزه والــكرامة التــجي وين

ذابو ليه گلبين     ياعباس يحسين

 

عفتوني يالأثنين             ياعباس يحسين

 

يادوحه چانت بالفلا تــظلل عليه
وعافتــنه وانه باليــتامى مبتلــيه
لبچي عليها كل صباح وكل مسيه
واسگيها من ماي الگلب ودموعي نهرين

طــول عليــه جناحــك الــساتر ياليــلي
الوالــي خلاني وضــيعني كفيــلي
وظليت انوح بغربة أيامي ياويلي
ويلي على اللي اشعلو بالگلب نارين

صارت ناري نارين             ياعباس يحسين

 

عفتوني يالأثنين             ياعباس يحسين

 

باچر أروح ابضيعتي والگلب ظامي
ويتفرج اعلى الحوره كل كوفي وشامي
وراسك يابو الغيره يضربونه امامي
ولا ودي ودي لو قبله عميت العين

حكم الدهر في الدنيا والله مارحمنه
مايدري من ابونه يخوتي ومن هي اُمنه
وما يدري دم المصطفى جاري في دمنه
واللي انكسر فوگ الثرى للزهرة ضلعين

وانتو ليه ضلعين         ياعباس يحسين

عفتوني يالأثنين             ياعباس يحسين

 

 

ودي أوصل مصرعك وانجدل وياك
لكن اشبيدي لازمه اذيالي يتاماك
بالبر تضيعنه ولشده ذخرناك
گبلت نحره وصاحت الله وياك

يحسين