منهو يحمي هالوديعه

ليلة 7 محرم 1430هـ

موكب عزاء شهركان

للشاعر : عاطف المالكي

للرادود : السيد هاشم الشهركاني

 مساهمة من : الخادم الصغير

******************

ما نريد الماي ..خويه يعباس ..ما نريد الماي ...

من تطيح اعلى الشريعه ..منهو يحمي هالوديعه

******************

العطش نيران           عمي يعباس             العطش نيران

بالله اقصد للشريعة                       و اسقي لحسين و رضيعه

ويلاه ..

صورة بخاطري و بقلبي اجروح               عبدالله الرضيع و صوته مبحوح

للعــــــــــباس ينادي چنه مذبوح               و صوته يخلـــــــي العيلة برزية

عباس ..

لهفان القـــــــــلب يا عمي لهفان               و ما شفتك تجينـــي و انا عطشان

جنك منـــــــي يا عباس خجلان                  و ماتــــــــــقدر تجي و تنظر إليه

نشفت دمعتي           و ذبلت و جنتي                  و ضاقت عيشتي                 عمي عباس

سكن روعتي            و روي عطشتي                 هذي طلبــــــــتي                 عمي عباس

ضيعت الصبر من هذا العطش               و مهدي يا يشهم            جنه لي نعش

عباس ..

حبيتك بعد و تعلـــــــــــــــقت بيك               اسقي هالطـــــفل الله يخليك

و كل ما تبغي من عمري أبعطيك               بس اطلب لي شربة يا شفية

عباس ..

دمعي ياشهم بالحسرة مـــــذروف              و من كثر العطش يا عمي ماشوف

و لوني لو تعاين وجهي مخطوف              و جبــــــــــــــــــال الألم كلها عليه

لا تقللي بعـــد           اصبر يالولد             ما ظل بي جلد                    عمي عباس

مني بس جسد          باقي بالمهــد            ما مثلــــي أحد                   عمي عباس

آثار الظما      و آثار التعب        في وسط القلب              مثلاة اللهب

******************************

عباس اجا يمه يحاجيه                            بالدمعة و الحسرة يواسيه

عبدالله يوليدي يناديه                              يعطشان

يكفيني يالغالي هالعتاب                           عمك من الونة ترى ذاب

لاتفتح من جروحي ابواب                        يعطشان

حين شفتك يضامي قلت انا اللي اسقيك                 لــــتظن قلبي قاسي و انا ما احس بيك

نيرانك عظيمة يا حبيـــــــــــبي أدريك                   ثار عزمي و قصدت المشرعة أرويك

و اجيت اطلب           من الوالـــي   و اخبرته                 يدلالــي

عن احوالــــك عن احوالي    و آمالك                   و آمالي

قلي يخويه المــــاي عوفه                        خيك وحيد شلون شوفه

يا صاحب النفس العطوفه                        يعباس

خل الحريم تموت كلها                            و ام الطفل و يا طفلها

و لا تروح و دولتنا تفلها                         يعباس

لو بيدي يغالي اوصل الشريعة                  لكن أمر اخويه يالــــــــولد أطيعة

اخذي ياحزينة للولي رضيــعة                  خله يشوفه ضامي و حالته فظيعة

انا اعيوني     الك و الله                 كفايه اعتاب   عليك الله

و انا يشهد     عليــه الله       انا افديــــكم    يعــبد الله

******************

ما نريد الماي ..خويه يعباس ..ما نريد الماي ...

من تطيح اعلى الشريعه ..منهو يحمي هالوديعه

******************

لا تعذبني                 يا خويه يحسين                           لا تعذبني

ادري قلبك مثلي يلهب                   خل تشوف اجفوفي زينب

يحسين..

قلبي ما عرف دمــــعك المذروف               سامحني ترى يحسين ما شوف

و مقدر احضنك ما عندي اجفوف              تعذرني يبـــــــــــن خير البريه

خويه..

ما عودتك تنادي و لا اجيك                       و لما تنادي العباس يلبيك

و اليوم اعذره هوه اليناديك                     مطروح و جراحاته دميه

لو خيك رحل            اصمد يا جبل            دمعك لا يهل             خويه يحسين

ما عندي أمل            يا خير العمل            حتفي لي نزل           خويه يحسين

صعبة ارتحل  عنك يالولي           مرمي بالثرى              يا باقي هلي

يحسين..

درب المشرعة جدامــــي مسدود               وصلت النهر يا خويه يالجود

و كل همي يضي عيني لك اعود                سالم للخــــــــيم جودي بيديه

خويه..

لكن ما حسبت حساب سهـــمين                سهم بقربتي و الثاني بالعين

شيله خل  اشوفك خويه يحسين                اتودع قبــــــــل حين المنيه

تسأل ياشهم             يا أصعب سهم                   خلاني بألـــــم           خويه يحسين

القربة أهــم             و لو مال العلم                   و جفي ما سلم                   خويه يحسين

راسي ترفعه   عن حر الفلا          و راسك من اله بتربة كربلا

******************************

عزم يشيله قال ما اروح                خلني اعالج طلعة الروح

مقدر اعاين زينب اتنوح                يمظلوم

السكنه اعتذر يا خوي عني            قلها اقطعي الآمال مني

و عليه لا تبجي و تحـــــني             يمظلوم

و يمكن يا عزيزي تعتب الوديعة               هذي اللي يخلي مهجتي صديعة

و لو حبت تعاين حالتي الفظيعة                هاك رايتنا هذي و جفي القطيعة

و الى الخيمة           ابو سكينة      يروح الها      بدمع عينه

و طلعت له              لحرم كلها      أبو فاضل                بعـــد وينه

زينب تقله بقلب ملهـــــــــوف         عباس اخويه وياك ما اشوف

و الله انشعب قلبي من الخوف                   يمظلوم

من صمتك و دمعك اباموت             لا ونة من عندك و لا صوت

هذا علامة نزلة المـــــــوت                      يمظلوم

راح عباس عرفت بهالخبر لا تخفيه           ما تقدر تقوله للحــــــــريم و تبديه

جان جيته اسلي شدتــــــــه و اداويه          يا ما چنت انا ادعي ربي لي يخليه

عسى الظامي                  شرب قطرة       و عساه ما قــــــــــاسى بالحــسره

فدانا بـــــــــــــــــــــــروحه  و عمـــــره       جــــــــــــزاه الله             على صبره

******************

ما نريد الماي ..خويه يعباس ..ما نريد الماي ...

من تطيح اعلى الشريعه ..منهو يحمي هالوديعه

******************

يا نهر وياك             وشذنب انا اخطيت              يا نهر وياك

تحرم اطفالي و ناسي          قاسي يا هالماي قاسي

يالماي ..

اعتب يا نهر و اسمع هالعتاب                  يا ما فرقت من حولي اصحاب

لا سال النبع مـــــنك و انساب                   حيّرت القلــــــــــــب بالغاضريه

يالماي..

كلمن يقصدك ضامى يميشوم                    قربك يرتمي دامــــــي و لا يقوم

ما تروى حشاه ويبقى محروم                  و ساعدت العــــــــدى كلها عليه

يا ماي النهر            يكفـــــــيني قهر                  انا بــــن الفخر                   انا لحسين

عذبت البشر             و عطشت القمر                  و بي تارك أثر          انا لحسين

يا ماي انشدك   ما تذكر علي     في خم انته من              يشهد له الولي

يحسين..

و الله يا ضنا الزهرا انا افديك                    و لو تطلب بعد كلي ابعطيك

آمرني احول هالنبع ليــــــــك                    اتشـــــــــــرف ارويكم بيديه

يحسين..

لو بس يأمـــــــر الباري يعطشان               مني تمـــــــتلي يحسين وديان

و تشرب انته و اطفالك الرضعان              و امنــــــع هالعدى كلها سويه

منظر عيلتك             و منظر حالتك          و صرخة طفلتك                 تطلب الماي

ادري بغربتك            و اسمع شكوتك                 و شكوة نسوتك                  تطلب الماي

لكن يا حسين    منك شعتذر     الباري قدر           منه هالأمر

******************************

عباس اجاك و مات عطشان                     و خليته يم الماي ظميان

تبخـــل عليه و تسيل غدران                     يهالماي

و لا حتى شربة تشرب شفاه                     و انته الذي تشرب من دماه

قاسي تراك اليـــــــــوم وياه                      يهالماي

لا تنسى اخويه ساقي العطاشى                 حاشى ماانته وافي للأخوة حاشى

يتمدد عليك و تربتـــــك فِراشة                  قلبـــــــي من فعالك زايد اندهاشه

تظللنــــــــي    سحايب آه      و اهل دمعي         على فرقاه

شلك من دين   بعـــد وياه      ظلمــــــته يا         نهر بظماه

اذكر أبو فاضل اجاني          شرفني و انا في مكاني

و انا بغيته و ما بغاني                   يمظلوم

قلت اله اشرب قال ما ريد               اشرب يضامي و العن يزيد

صدعني عينه وراح لبعيد               يمظلوم

يعرفني بوفاضل الشهم و اعرفه               خذ مني اعلى جفه الشريفة غرفة

حسيت بفؤاده يا عظمـــــها لهفة               لكنها رمتني يا حبيــــــــــبي جفه

يبو الأكبر      تعذبنــــي                 و اذا تعتب            تحيرني

انا نهرك                 الك خذني                و اذا تشرب          تشرفني

******************

ما نريد الماي ..خويه يعباس ..ما نريد الماي ...

من تطيح اعلى الشريعه ..منهو يحمي هالوديعه
******************